Skrynšot STB
Namieśnika hiendyrektara BiełAZa Aleha Ściepuka pryznali vinavatym u ździajśnieńni złačynstva pa č. 3 art. 430 Kryminalnaha kodeksa, jamu dali 11 hadoŭ kałonii z pazbaŭleńniem prava zajmać pasady, źviazanyja z vykanańniem arhanizacyjna-rasparadčych, administracyjna-haspadarčych abaviazkaŭ i ździajśnieńniem jurydyčna značnych dziejańniaŭ, na 5 hadoŭ.
Na toj ža termin pa tym ža artykule asudžany namieśnik hiendyrektara MTZ Siarhiej Siracienka. Jaho taksama aštrafavali na 2500 bazavych vieličyń (92,5 tys. rubloŭ) i pazbavili prava zajmać pasady, źviazanyja z vykanańniem arhanizacyjna-rasparadčych, administracyjna-haspadarčych abaviazkaŭ i ździajśnieńniem jurydyčna značnych dziejańniaŭ, na 5 hadoŭ.
Inšym słužbovym asobam pradpryjemstvaŭ sud daŭ ad 7 da 12 hadoŭ kałonii sa štrafam ad 1000 (37 tys. rubloŭ) da 2000 (74 tys. rubloŭ) bazavych vieličyń z pazbaŭleńniem prava zajmać pasady na termin 5 hadoŭ.
Majomaść abvinavačanych, na jakuju raniej byŭ nakładzieny aryšt, pakinuta pad aryštam u košt zabieśpiačeńnia vykanańnia prysudu.
***
U listapadzie 2021 hoda MUS paviedamiła ab vykryćci «maštabnaj złačynnaj dziejnaści top-mieniedžaraŭ ciažkaj pramysłovaści». Siamiora fihurantaŭ ź Minskaha traktarnaha zavoda i BIEŁAZa byli zatrymanyja z dokazami złačynstva. Kanfiskavana kala 100 tysiač dalaraŭ.
«Zadakumientavanyja šmatlikija fakty atrymańnia chabaraŭ, jakija pieradavalisia ŭ vyhladzie najaŭnych i nieruchomaści za pieramohu ŭ tenderach na pastaŭku darahoha abstalavańnia, svoječasovuju apłatu tavaru. Dla kanśpiracyi chabaru maskiravalisia pad fiktyŭnyja damovy pazyki i kupli-prodažu nieruchomaści», — havaryłasia ŭ paviedamleńni MUS.
Sud ciahnuŭsia z 13 červienia 2023 hoda.
Čytajcie taksama:
Imavierna, zatrymali hiendyrektara BIEŁAZa
SK nazvaŭ samyja hučnyja karupcyjnyja spravy minułaha hoda i samy vialiki pamier chabaru
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)