SAAZ zaklikała adnavić masačny režym z-za ŭzrastańnia zachvorvańniaŭ na kavid
Hienieralny dyrektar Suśvietnaj arhanizacyi achovy zdaroŭja Tedras Adanam Hiebrejesus zaklikaŭ praciahvać nasić maski i vykonvać sacyjalnuju dystancyju z-za rostu zaražeńnia COVID-19 i inšymi infiekcyjnymi zachvorvańniami.
«Reśpiratornyja zachvorvańni, vyklikanyja COVID-19, hrypam i inšymi patahienami, rastuć u mnohich krainach na praciahu niekalkich tydniaŭ, i čakajecca, što jany praciahnucca paśla apošnich śviataŭ».
«Praciahvajcie vykarystoŭvać maski, rabić vientylacyju i trymać dystancyju, kab pamienšyć uździejańnie, i pierakanajciesia, što vy i vašy blizkija zrabili pryščepku ad COVID-19 i hrypu».
Hiebrejesus zaklikaŭ ułady krain dać dostup da nadziejnych testaŭ, mietadaŭ lačeńnia i vakcyn. Asabliva tym, chto znachodzicca ŭ «zonie ryzyki».
U lutym budzie ŭžo čatyry hady, jak kavid dabraŭsia da Jeŭropy, ź siaredziny sakavika 2020 hoda krainy Jeŭropy stanuć zakryvacca na łakdaŭn. U Biełarusi pra pieršy vypadak stała viadoma 28 lutaha 2020 hoda.
Razam z tym varta adznačyć, što ŭ Biełarusi ź lipienia 2022 hoda nie ahučvajucca ličby pa kolkaści zachvorvańniaŭ. Ale jość i dobryja naviny: u krainie zarehistravana svaja vakcyna, a ŭ śniežni ŭ Rasii prajšoŭ rehistracyju abnoŭleny «Sputnik łajt», jakim pryščaplajuć u Biełarusi.
Jaŭhien Dudkin patłumačyŭ, čamu staŭ sakretnym ahientam KDB12
Kamientary