Junaja biełaruska cudam vyžyła ŭ žudasnym DTZ u Staŭrapalskim krai
Kiroŭca maršrutnaj «Hazeli» nie prapuściŭ sustrečny samazvał KAMAZ i ŭrezaŭsia ŭ jaho. Zahinuli vosiem čałaviek.
Biełaruska paciarpieła ŭ DTZ z udziełam maršrutki i hruzavoha aŭtamabila ŭ Staŭrapalskim krai, piša «Sputnik».
Avaryja adbyłasia napiaredadni na aŭtadarozie Novapaŭłaŭsk — Zolskaja — Piacihorsk pablizu pasiołka Piacihorski — kiroŭca maršrutnaj «Hazeli» nie prapuściŭ sustrečny samazvał KAMAZ i ŭrezaŭsia ŭ jaho.
U momant DTZ u maršrutcy znachodzilisia, akramia kiroŭcy, dzieviać pasažyraŭ.
Avaryja zabrała žyćci vaśmi čałaviek — kiroŭcy maršrutki i siami pasažyraŭ.
«Siarod paciarpiełych — hramadzianka Biełarusi 2004 hoda naradžeńnia, dastaŭlenaja ŭ haradskuju kliničnuju balnicu Piacihorska sa množnymi traŭmami ŭ ciažkim stanie», — raspaviali ŭ pasolstvie.
Dypłamaty adznačyli, što paciarpiełaj akazvajecca nieabchodnaja dapamoha. U pastajannym kantakcie sa svajakami biełaruski i miedykami znachodzicca adździaleńnie pasolstva ŭ Rastovie-na-Donie.
Kamientary