Na vybarach u parłamient vyklik prapahandystu Špakoŭskamu kidaje kamunist Płavinski, jaki admaŭlaje Kurapaty
Kandydatam pa «dypłamatyčnaj» Śvisłackaj akruzie №95 zarehistravany adstaŭny pałkoŭnik Alaksandr Płavinski. Jon bałatujecca jak vyłučeniec ad Kamunistyčnaj partyi Biełarusi, tamu jamu nie treba było źbirać anivodnaha podpisu ŭ svaju padtrymku.
Čamu Śvisłackuju akruhu možna nazvać dypłamatyčnaj? Deputata ŭ Pałatu pradstaŭnikoŭ tut pryznačajuć ź liku supracoŭnikaŭ Ministerstva zamiežnych spraŭ. Papiarednija razy kvotu addavali Valeryju Varanieckamu, ciapier nadyšła čarha Alaksandra Špakoŭskaha. Pryčym dypłamatam Špakoŭski staŭ paŭhoda tamu, kali atrymaŭ pryznačeńnie daradcy-pasłańnika ŭ Maskvie.
Zrešty, havorka nie pra Špakoŭskaha (jaki, naturalna, i stanie deputatam), a pra jaho apanienta Płavinskaha.
Płavinski pieradusim viadomy svaimi antyhistaryčnymi publikacyjami. Jon davodzić, što ŭ Kurapatach ładzilisia rasstreły padčas Vialikaj Ajčynnaj vajny. Nasamreč ža heta było miesca masavych rasstrełaŭ i pachavańniaŭ 1937-1940, što dakazana navat biełaruskaj prakuraturaj.
Čytajcie taksama:
Z Płavinskim źviazanaja i kamičnaja historyja. Jon užo bałatavaŭsia ŭ Pałatu pradstaŭnikoŭ u 2016 hodzie, i «Naša Niva» tady pamyłkova paličyła jaho, rabotnika Vajennaj akademii, kandydatam ad viertykali. I što vy dumajecie? Płavinskamu daviałosia terminova zhortvać svaju aktyŭnaść i zabirać dakumienty z vybarčaj kamisii, spasyłajučysia na raptam uźnikłyja prablemy sa zdaroŭjem.
Jon byŭ kandydatam i ŭ 2019, ale tady nie było iluzij, što Płavinski moža vyhladać praŭładnym pryznačencam, tamu jaho pakinuli ŭ vybarčych biuleteniach.
Darečy, Alaksandr Płavinski — spadčynny šlachcic, syn vilejskaha krajaznaŭcy Stefana Balasłavaviča Płavinskaha. Alaksandr raskazvaŭ, što dvanaccać hadoŭ źbiraŭ infarmacyju pra svoj rod, u vyniku vydaŭšy knihu «500 hadoŭ rodu Płavinskich».
Režysiorka kancertaŭ dla Łukašenki śviatkavała Novy hod i Rastvo ŭ Vialikabrytanii — šmat FOTA5
Kamientary
Vkratcie - antinaučnyj "botanik" na svojej vołnie!