Грамадства1616

На выбарах у парламент выклік прапагандысту Шпакоўскаму кідае камуніст Плавінскі, які адмаўляе Курапаты

Кандыдатам па «дыпламатычнай» Свіслацкай акрузе №95 зарэгістраваны адстаўны палкоўнік Аляксандр Плавінскі. Ён балатуецца як вылучэнец ад Камуністычнай партыі Беларусі, таму яму не трэба было збіраць аніводнага подпісу ў сваю падтрымку.

Чаму Свіслацкую акругу можна назваць дыпламатычнай? Дэпутата ў Палату прадстаўнікоў тут прызначаюць з ліку супрацоўнікаў Міністэрства замежных спраў. Папярэднія разы квоту аддавалі Валерыю Варанецкаму, цяпер надышла чарга Аляксандра Шпакоўскага. Прычым дыпламатам Шпакоўскі стаў паўгода таму, калі атрымаў прызначэнне дарадцы-пасланніка ў Маскве.

Зрэшты, гаворка не пра Шпакоўскага (які, натуральна, і стане дэпутатам), а пра яго апанента Плавінскага.

Плавінскі перадусім вядомы сваімі антыгістарычнымі публікацыямі. Ён даводзіць, што ў Курапатах ладзіліся расстрэлы падчас Вялікай Айчыннай вайны. Насамрэч жа гэта было месца масавых расстрэлаў і пахаванняў 1937-1940, што даказана нават беларускай пракуратурай.

Аляксандр Плавінскі ў Курапатах

Чытайце таксама:

«Лом у мурашніку». Зірніце, з дапамогай якіх прыёмаў адстаўнік Плавінскі фальсіфікуе гісторыю Курапатаў

З Плавінскім звязаная і камічная гісторыя. Ён ужо балатаваўся ў Палату прадстаўнікоў у 2016 годзе, і «Наша Ніва» тады памылкова палічыла яго, работніка Ваеннай акадэміі, кандыдатам ад вертыкалі. І што вы думаеце? Плавінскаму давялося тэрмінова згортваць сваю актыўнасць і забіраць дакументы з выбарчай камісіі, спасылаючыся на раптам узніклыя праблемы са здароўем.

Ён быў кандыдатам і ў 2019, але тады не было ілюзій, што Плавінскі можа выглядаць праўладным прызначэнцам, таму яго пакінулі ў выбарчых бюлетэнях.

Дарэчы, Аляксандр Плавінскі — спадчынны шляхціц, сын вілейскага краязнаўцы Стэфана Баляслававіча Плавінскага. Аляксандр расказваў, што дванаццаць гадоў збіраў інфармацыю пра свой род, у выніку выдаўшы кнігу «500 гадоў роду Плавінскіх». 

Каментары16

  • Алек. Ру
    14.01.2024
    На Беларусі нават шляхцічы лукашызуюцца. Ні гонару, ні годнасці!
  • Эюя
    14.01.2024
    Чалавек няважыць свой род і сваю краіну. У народнай памяці мог быць прыстойным чалавекам, але застанецца непрыстойным спойлерам іншага маскоўскага халуя. Такі лёс значыць.
  • Бывал там
    14.01.2024
    Помню этого клоуна по годам учёбы.
    Вкратце - антинаучный "ботаник" на своей волне!
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Падазронага актывіста-стукача Паўла Бялюціна прывезлі з Турцыі

Падазронага актывіста-стукача Паўла Бялюціна прывезлі з Турцыі

Усе навіны →
Усе навіны

Беларусам дасылаюць паведамленні пра атручаную ваду на 9 мая

Ай-яй-яй, далі слова Барадуліну9

КДК пагражае закрываць крамы, калі ў іх няма бульбы4

Аліеў у апошні момант адмовіўся ляцець у Маскву на парад2

EPAM і Wargaming заплацілі ў Літве мінімальныя падаткі за больш чым два гады

Данута Перадня выехала з Беларусі

У Вялікабрытаніі збіраюцца заводзіць крыміналкі на тых, хто залазіць на помнік Чэрчылю1

Ці варта чакаць даляр ніжэй за тры рублі?4

Вэнс заявіў, што Расія хоча занадта шмат

больш чытаных навін
больш лайканых навін

Падазронага актывіста-стукача Паўла Бялюціна прывезлі з Турцыі

Падазронага актывіста-стукача Паўла Бялюціна прывезлі з Турцыі

Галоўнае
Усе навіны →

Заўвага:

 

 

 

 

Закрыць Паведаміць