U Biełarusi źniali film z samym sapraŭdnym miadźviedziem u hałoŭnaj roli. Taksama źniaŭsia akcior sa «Słova pacana»
Źjaviŭsia trejler spartyŭna-siamiejnaj kamiedyi «Ja — miadźviedź». U centry siužetu — chakieist Alaksandr Kavaloŭ u vykanańni Mikity Kałahryvaha (Kaščej sa «Słova pacana») i parački skandalnych padkastaŭ.
Jaho hieroj z-za traŭmy hublaje miesca ŭ kamandzie, nu a dalej na hetym fonie pačynajucca prablemy ŭ adnosinach z žonkaj i dziećmi. A potym žyćcio Kavalovych dyk uvohule pierakulvajecca z noh na hałavu, kali małodšy syn pryniasie dadomu novaha hadavanca — miedźviedziania, piša Onliner.by.
Padčas prahladu rolika časam zdajecca, što miedźviedziania namalavany z dapamohaj kampjutarnaj hrafiki. Nasamreč kamanda filma pracavała z sapraŭdnym miadźviedziem, i navat nie adnym. Centralnaha piersanaža syhrali dvoje miedźviedzianiat — Loša i Maša. Pryčym sceny ź imi zdymalisia ŭ chranałahičnym paradku, tak što darosłym miadźviedź u kadry taksama stanovicca pa-sapraŭdnamu.
Zdymki prachodzili ŭ 2023 hodzie ŭ Minsku — u trejlery ŭžo možna zaŭvažyć ladovuju placoŭku «Čyžoŭka-Areny» i trochi vakolic Cnianskaha vadaschovišča. U jakaści pradziusaraŭ nad filmam pracavali ŭ tym liku biełarusy Andrej Lipaŭ i Maksim Maksimaŭ.
U rasijski prakat «Ja — miadźviedź» vyjdzie 1 lutaha. Z nahody daty biełaruskaj premjery pakul ničoha nie viadoma, ale, imavierna, u nas film taksama źjavicca ŭ kino praz tydzień.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1111
Kamientary