Rasija nie źmienšyć abjom tranzitu nafty praź Biełaruś ni pry jakich abstavinach, zajaviŭ 3 studzienia RIA Novosti vice‑prezident «Transnafty» Michaił Barkoŭ.
Pavodle jaho słoŭ, biełaruska‑rasijskija pieramovy praciahvajucca, i vynik moža stać viadomy ŭžo siońnia.
«Tranzit nafty praź Biełaruś nie budzie skaračacca ni pry jakich abstavinach», — śćviardžaje Barkoŭ. Što ž datyčycca pastavak nafty biełaruskamu boku, to tut usio zaležyć ad pazicyi Minska, dadaŭ jon.
Jak paviedamlałasia raniej, Biełaruś i Rasija tak i nie zmahli padpisać pahadnieńnie ab umovach pastaŭki nafty 30—31 śniežnia. Rasijski bok zajaviŭ ab adsutnaści ŭ biełaruskich pieramoŭščykaŭ dastatkovych paŭnamoctvaŭ i pryniaŭ rašeńnie pastaŭlać naftu ŭ Biełarusi z 1 studzienia 2010 hoda, uklučajučy ŭ canu 100% standartnaj ekspartnaj pošliny na naftu. U 2009 hodzie ŭ canu ŭvachodziła śpiecpošlina ŭ pamiery 35,6% standartnaj ekspartnaj pošliny.
U adkaz urad Biełarusi zajaviŭ ab biesprecedentnym cisku z boku Rasii na pieramovach ab pastaŭkach nafty, adnak paćvierdziŭ hatoŭnaść praciahvać pieramovy.
