Расія не зменшыць аб’ём транзіту нафты праз Беларусь ні пры якіх абставінах, заявіў 3 студзеня РІА Новости віцэ‑прэзідэнт «Транснафты» Міхаіл Баркоў.
Паводле яго слоў, беларуска‑расійскія перамовы працягваюцца, і вынік можа стаць вядомы ўжо сёння.
«Транзіт нафты праз Беларусь не будзе скарачацца ні пры якіх абставінах», — сцвярджае Баркоў. Што ж датычыцца паставак нафты беларускаму боку, то тут усё залежыць ад пазіцыі Мінска, дадаў ён.
Як паведамлялася раней, Беларусь і Расія так і не змаглі падпісаць пагадненне аб умовах пастаўкі нафты 30—31 снежня. Расійскі бок заявіў аб адсутнасці ў беларускіх перамоўшчыкаў дастатковых паўнамоцтваў і прыняў рашэнне пастаўляць нафту ў Беларусі з 1 студзеня 2010 года, уключаючы ў цану 100% стандартнай экспартнай пошліны на нафту. У 2009 годзе ў цану ўваходзіла спецпошліна ў памеры 35,6% стандартнай экспартнай пошліны.
У адказ урад Беларусі заявіў аб беспрэцэдэнтным ціску з боку Расіі на перамовах аб пастаўках нафты, аднак пацвердзіў гатоўнасць працягваць перамовы.
35 маладых беларусаў і беларусак, за якімі варта сачыць: апублікаваны першы спіс Next 3532
Каментары