16-hadovamu padletku dali 10 hadoŭ vychavaŭčaj kałonii za padpał zdymnaj kvatery
Zdareńnie adbyłosia 2 maja 2023 hoda ŭ Hrodnie.
U toj dzień chłopiec paśla kanfliktu z ułaśnikam kvatery ŭ Hrodnie, dzie arandavaŭ pakoj, dačakaŭsia, kali toj zaśnie.
Zatym, zadumaŭšy zabić jaho i źniščyć majomaść, junak padpaliŭ falhu i papieru, jakija kinuŭ na raźlituju na padłohu ŭ kalidory lohkaŭzharalnuju vadkaść. U kvatery pačaŭsia pažar, paviedamlaje Hienprakuratura.
Adnak ratavalniki apieratyŭna likvidavali pažar, a paciarpiełamu mužčynu była svoječasova akazana dapamoha.
Mužčyna atrymaŭ mienš ciažkija cialesnyja paškodžańni, a majomasnaja škoda skłała bolš za 11 tysiač rubloŭ.
Akramia taho, chłopiec 19 maja na vulicy Urubleŭskaha ŭ Hrodnie ździejśniŭ chulihanskija dziejańni ŭ dačynieńni da žančyny i jaje małaletniaha syna.
U vyniku jamu pa sukupnaści złačynstvaŭ prysudzili 10 hadoŭ i miesiac źniavoleńnia z adbyvańniem terminu ŭ vychavaŭčaj kałonii.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary