Kiraŭniki MZS Niamieččyny, Francyi i Polščy. Fota: twitter.com/francediplo_EN
Ministry zamiežnych spraŭ krain «Viejmarskaha trochvuholnika» (Francyi, Niamieččyny i Polščy) zaklikali pryniać 13-y pakiet sankcyj suprać Rasii i ŭvieści kropkavyja sankcyi ŭ dačynieńni da Biełarusi, piša Reform.by.
Sustreča kiraŭnikoŭ MZS prajšła 12 lutaha ŭ Ła-Siel-Sien-Kłu. Pa vynikach sustrečy była pryniataja palityčnaja dekłaracyja.
«My taksama zaklikajem pryniać 13-y pakiet sankcyj suprać Rasii. My ŭskładajem na siabie abaviazak zmahacca z abychodam sankcyj, uzmacniać vykanańnie pryniatych abmiežavalnych mier i vykonvać dalejšyja siektaralnyja i indyvidualnyja sankcyi, nakiravanyja, u pryvatnaści, na abmiežavańnie zdolnaści Rasii vieści vajnu. U hetym kantekście nam varta farmavać našy kropkavyja sankcyi i suprać Biełarusi tak, kab nie dać joj stać centram abychodu sankcyj JEZ suprać Rasii, pry hetym vyrazna dyfierencujučy jaje ad ahresara», — havorycca ŭ dekłaracyi, apublikavanaj na sajcie polskaha MZS.
Čytajcie taksama:
Łukašenkaŭskaja Biełaruś naźbirała kamplimientaŭ ad słavackich prarasijskich palitykaŭ
U prajekt 13-ha pakieta sankcyj Jeŭrasajuza trapiła biełaruskaje abaronnaje pradpryjemstva
