«Adzinaje, pra što my možam škadavać, — heta pra toje, što nie pačali aktyŭnych dziejańniaŭ raniej», — tak Pucin prakamientavaŭ chod vajny va Ukrainie viadučamu telekanała «Rasija 1» Paŭłu Zarubinu, vidavočna majučy na ŭvazie poŭnamaštabnaje ŭvarvańnie 2022 hoda.
Kamientujučy vyniki hutarki i reakcyju na jaje hledačoŭ, rasijski dyktatar nazvaŭ Karłsana «niebiaśpiečnym čałaviekam», jaki śpiecyjalna abraŭ takuju taktyku, kab nie pačuć padčas razmovy «vostryja adkazy».
Pa słovach Pucina, jon rychtavaŭsia da zusim inšych pytańniaŭ i źbiraŭsia adkazvać «vostra», što nadało b intervju patrebnuju «śpiecyfiku», a ŭ vyniku jon «poŭnaha zadavalnieńnia nie atrymaŭ».
Na pytańnie, jaki z kiraŭnikoŭ ZŠA dla jaho bolš vyhadny, ciapierašni prezident Bajden abo jaho papiarednik Donald Tramp, Pucin adkazaŭ: «Bajden. Jon čałaviek bolš prahnazujemy».
Dvuchhadzinnaje intervju Pucina Karłsanu, pavodle The Moscow Times, zaniało tolki 19-je miesca ŭ ahulnarasijskim rejtynhu samych papularnych teleprahram za tydzień z 4 pa 11 lutaha.
Čytajcie taksama:
«Ja znajšoŭ histaryčnuju kartu Manholii». Eks-prezident Manholii patroliŭ Pucina
«A ja vam zaraz pakažu, adkul chan Batyj na Ruś napadaŭ». Najlepšyja tvity tydnia
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)