Biełarusy majuć redkaje ščaście ciešycca mnohimi śviatami dvojčy. Dyk... Radujmasia!I my taksama ŭ dubl zyčym Vam radasnaha Naradžeńnia Chrystovaha i ščasnaha hoda.
Zyčym hadzinaŭ rozdumu, dzion sustreč, tydnia raźniavolenaści i hoda... hoda pracy, hoda ruchu, hoda zdabytkaŭ.
Žyvie Biełaruś, pokul žyvy my!
* * *
Biełaruskija kaladki
NOVA RADAŚĆ STAŁA
Nova radaść stała,
Jaka nie byvała.
Nad Viflemam źviezda jasna,
Śvietła zasijała.
Tam Chrystos radziŭsia,
Ź Dzievy vapłaciŭsia,
Na niabiesi i na ziemli
Nam błahasłaviŭsia.
Anhieły śpiavajuć,
Isusa vitajuć,
Na niabiesi i na ziemli
Mir pravazhłašajuć!
CICHAJA NOČ
Cichaja noč, śviataja noč!
Usio śpić, śnić daŭno.
Tolki Maci Śviataja uściaž
Cicha ŭ jaślach lulaje Dzicia -
Śpi, Synočak mały,
Luli-luli, śpi!
A uhary ŭsio haryć
Sierabrom zornych kryh,
Chor aniołaŭ piaje pastuchom
Ab Dziciaci, što budzie Chrystom,
Śvietłaj pieśniaj chvały
Słaviać Zbaŭcu ziamli.
Cichaja noč, śviataja noč,
Ŭ rodny kraj zavitaj,
Ludziam sum i tuhu razhani,
Chaj ža ciešacca ŭ hetyja dni,
Ŭ cichuju, śviatuju noč,
Ŭ cichuju, śviatuju noč!
DOBRY VIEČAR TOMU
Dobry viečar tomu*,
Chto ŭ hetamu domu!
My sami z saboju,
Ź dziećmi i žanoju,
Stały zasciłajem,
Kalady spraŭlajem.
A pa hetaj movie
Budźma ŭsie zdarovy,
A pa hetaj kazcy
Žyvicie ŭ łascy.
* Kožny radok śpiavajecca dvojčy.
ZORA ZAŚVIACIŁA
Učora źviačora zora zaśviaciła,
Novy hod, novy, zora zaśviaciła.
A Božaja Maci Syna naradziła,
Novy hod, novy, Syna naradziła.
Syna naradziła, u pialony spaviła,
Novy hod, novy, u pialony spaviła.
U pialony spaviła, aniołam skazała,
Novy hod, novy, aniołam skazała:
«Anioły śviatyja, kałyšycie Syna,
Novy hod, novy, kałyšycie Syna.
Kałyšycie Syna, pojcie Jamu piesni,
Novy hod, novy, pojcie Jamu piesni.
Pojcie Jamu piesni, da ŭsio i śviatyja,
Novy hod, novy, da ŭsio i śviatyja».
Usie ludzi rady, usie viesialacca,
Novy hod, novy, usie viesialacca.
Na Božaha Syna ŭsio nie nahladziacca,
Novy hod, novy, ŭsio nie nahladziacca.