Vystava HETK (Momant) zaprašaje ludziej zadumacca, za što jany mohuć być udziačnyja ŭ sučasnym nietryvałym śviecie, tłumačać mastaki Estukin i Rebieka Parbus.
U Estonii mastaki stvaryli biłbordy z vyjavami Talina ŭ ruinach, nahadvajučy ab tym, što vajna moža dajści da Jeŭrapiejskaha Sajuza.
«Razvažajučy pra toje, nakolki niestabilny naš śviet u hety momant, ja zrazumieła, što ŭsprymała ŭsio navokał jak naležnaje. Ad svabody i niezaležnaści da ježy na stale i dachu nad hałavoj. Jość za što być udziačnymi», — skazała Parbus.
Vystavu pad nazvaj Hetk, što ŭ pierakładzie z estonskaha aznačaje «momant», moža ŭbačyć kožny, bieź nieabchodnaści naviedvańnia halerei. Raboty mastakoŭ buduć demanstravacca da 3 sakavika.
U pieršy dzień pracy vystavy vyjavy razburanaha Talina vyklikali palarnyja reakcyi karystalnikaŭ sacyjalnych sietak. Niekatoryja mastakoŭ pachvalili, nazvaŭšy vyjavu «mocnymi pracami», a niekatoryja byli vielmi niezadavolenyja. Apošnija zajavili, što takija vyjavy zjaŭlajucca «parušeńniem etyčnych norm», što takija kadry «nielha pakazvać dzieciam», što heta «nahniatańnie», «pravakacyja».
Raboty zjavilisia ŭ krainie ES na fonie tak zvanaj «stomlenaści ad vajny» va Ukrainie. Taksama vystava zjaŭlajecca nahadvańniem taho, što Estonija miažuje z krainaj-ahresarkaj.
Ciapier čytajuć
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary