Psichična chvoraha mužčynu, jaki napaŭ ź siakieraj na miedykaŭ, vyrašyli ŭziać pad vartu
33-hadovaha minčuka, jaki napaŭ ź siakieraj na miedykaŭ, vyrašyli ŭziać pad vartu. Jamu inkryminujuć zamach na zabojstva dźviuch asob pa č. 1 art. 14, p. 1 č. 2 art. 139 Kryminalnaha kodeksa, paviedamlaje pres-słužba minskaj prakuratury.
«Prakuror sankcyjanavaŭ prymianieńnie nazvanaj miery strymańnia z ulikam abstavin i ciažaru zroblenaha, asoby abvinavačanaha, jaki nieadnarazova prachodziŭ stacyjanarnaje lačeńnie ŭ DU «Respublikanski navukova-praktyčny centr psichičnaha zdaroŭja», — havorycca ŭ pres-relizie prakuratury.
12 lutaha paviedamlałasia, što mužčynu adpravili ŭ RNPC psichičnaha zdaroŭja.
Za dva dni da hetaha, u subotu 10 lutaha, jon nanios fielčaram, jakija pryjechali da jaho dachaty pa vykliku, nie mienš za 20 udaraŭ u vobłaść hałavy i tvaru. Tolki dziakujučy tamu, što baćka, jaki prybieh na šum, zdoleŭ pavalić syna na padłohu i zabrać u jaho siakieru, sprava nie skončyłasia zusim trahična.
Jak raskazaŭ baćka mužčyny, jon užo bolš za 10 hadoŭ pakutuje na psichičnaje rasstrojstva i litaralna za piać dzion da zdareńnia jaho vypisali z balnicy paśla čarhovaha lačeńnia. Adnak lepš jamu nie stała.
Na ANT raskazali padrabiaznaści napadu na daktaroŭ chutkaj dapamohi ŭ Minsku
Čałavieka, jaki pasiek fielčaraŭ chutkaj dapamohi siakieraj, za niekalki dzion da taho vypisali ź psichbalnicy
Na mužčynu, jaki napaŭ na bryhadu chutkaj dapamohi ź siakieraj, zaviali kryminalnuju spravu
U Minsku pacyjent napaŭ ź siakieraj na bryhadu chutkaj dapamohi. Miedyki ŭ reanimacyi
Čamu kiraŭnikom svajoj Administracyi Łukašenka pastaviŭ Dźmitryja Krutoha? Jon moža stać pierajemnikam?3
Kamientary