Na ANT raskazali padrabiaznaści napadu na daktaroŭ chutkaj dapamohi ŭ Minsku
10 lutaha pacyjent napaŭ ź siakieraj na bryhadu chutkaj dapamohi ŭ Minsku. Miedyki trapili ŭ reanimacyju. Adnaho z paciarpiełych pakazali ŭ siužecie ANT.
Mužčyna raspavioŭ, što adčuvaje siabie «bolš-mienš dobra», «adzinaje, što balić vielmi hałava pastajanna». Jon pakul nie ŭstaje z łožka.
«My pryjechali pa adrasie, nas sustreŭ baćka. Daŭ nakiravańnie [na špitalizacyju]. Ale baćka nie papiaredziŭ što jon [pacyjent] ahresiŭny, što jon nieadekvatny. Jon skazaŭ, što ŭsio dobra i vy možacie spakojna prachodzić».
Pacyjent napaŭ sa śpiny, naparnik kinuŭsia ratavać kalehu. Na kryki prybieh baćka, pavaliŭ syna na padłohu i vybiŭ siakieru z ruk, raspavioŭ paciarpieły mužčyna.
Pra stan druhoha miedyka ničoha nie paviedamili.
Prafsajuz rabotnikaŭ achovy zdaroŭja, u jakim adkryty fond padtrymki kaleh na vypadki traŭmavańnia na pracy, raspavioŭ, što za 2022-23 hady da ich za dapamohaju źviarnulisia 17 miedykaŭ — heta rabotniki chutkaj miedycynskaj, pryjomnych adździaleńniaŭ i inšyja asoby, jakija atrymali traŭmy ŭ svajoj dziejnaści.
Čytajcie taksama:
Na mužčynu, jaki napaŭ na bryhadu chutkaj dapamohi ź siakieraj, zaviali kryminalnuju spravu
U Minsku pacyjent napaŭ ź siakieraj na bryhadu chutkaj dapamohi. Miedyki ŭ reanimacyi
Kamientary