Čałavieka, jaki pasiek fielčaraŭ chutkaj dapamohi siakieraj, za niekalki dzion da taho vypisali ź psichbalnicy
10 lutaha, u subotu, u Minsku na dvuch fielčaraŭ z vyklikanaj pierad tym bryhady chutkaj dapamohi pacyjent napaŭ ź siakieraj, miedyki ŭ vyniku taho sami patrapili ŭ balnicu. Ciapier stali viadomyja niekatoryja padrabiaznaści hetaj historyi.
Pavodle śviedčańniaŭ kaleh paciarpiełych miedykaŭ, jakija praviedali ich u balnicy, 30-hadovy i 42-hadovy fielčary znachodziacca ŭ 5-j haradskoj kliničnaj balnicy, ich stan aceńvajecca, jak i raniej, jak siaredniaj ciažkaści. Paciarpiełyja adčuvajuć siabie zdavalniajuča, paviedamlaje BiełTA.
Paviedamlajecca, što psichična niezdarovy minčuk nanios fielčaram nie mienš za 20 udaraŭ u vobłaść hałavy i tvaru. Tolki dziakujučy tamu, što baćka, jaki prybieh na šum, zdoleŭ pavalić syna na padłohu i zabrać u jaho siakieru, sprava nie skončyłasia zusim trahična.
Napadniku 33 hady. Jak raskazaŭ jahony baćka, mužčyna ŭžo bolš za 10 hadoŭ pakutuje na psichičnaje rasstrojstva i litaralna piać dzion tamu jaho vypisali z balnicy paśla čarhovaha lačeńnia. Adnak lepš jamu nie stała.
Čytajcie taksama:
Na mužčynu, jaki napaŭ na bryhadu chutkaj dapamohi ź siakieraj, zaviali kryminalnuju spravu
U Minsku pacyjent napaŭ ź siakieraj na bryhadu chutkaj dapamohi. Miedyki ŭ reanimacyi
«Jon na nastupny termin nie budzie abiracca». Słovy Łukašenki 26 studzienia analizuje Mikoła Buhaj25
Kamientary