Ź biełaruskich fizičnych asob pad aŭstralijskija sankcyi trapili kiraŭnik Biełaruskaha Čyrvonaha Kryža Dźmitryj Šaŭcoŭ i načalnik Biełaruskaj čyhunki Uładzimir Marozaŭ. Z pradpryjemstvaŭ pad abmiežavańni patrapili chołdynh «Haryzont», AAT «Vołataŭta» i AAT «Płanar».
Jak udakładniajecca na sajcie aŭstralijskaha MZS, da ŭniesienych u śpis asob i arhanizacyj prymianiajucca finansavyja sankcyi. Na ludziej taksama moža być nakładzienaja zabarona na ŭjezd.
Novy pakiet aŭstralijskich sankcyj prymierkavany da druhoj hadaviny pačatku vajennaha kanfliktu va Ukrainie i nakiravany pierš za ŭsio suprać Rasii. Adnak MZS krainy ŭdakładniŭ, što ŭnios u śpis taksama pradpryjemstvy inšych krain (Irana, Paŭnočnaj Karei i Biełarusi), jakija ličyć važnymi handlovymi partniorami Rasii. Što tyčycca piersanalnych sankcyj, to jany ŭviedzienyja ŭ tym liku suprać tych, chto maje dačynieńnie da departacyi Rasijaj ukrainskich dziaciej.
Čytajcie taksama:
Bajden aficyjna zajaviŭ pra 500 novych sankcyjnych abmiežavańniaŭ suprać Rasii
Rada ES zaćvierdziła 13-ty pakiet sankcyj suprać pucinskaha režymu
