A miascovyja vybary ŭ Biełarusi projduć bieź mižnarodnaha nazirańnia.
U palityčnych partyj adsutničaje vola da pieramohi na vybarach. Takoje mierkavańnie staršynia Centravybarkama Biełarusi Lidzija Jarmošyna vykazała 12 studzienia ŭ Minsku, adkazvajučy na pytańni žurnalistaŭ.
Pavodle słoŭ kiraŭnika CVK, joj by chaciełasia vieryć u lepšaje, heta značyć u toje, što palityčnyja partyi buduć adyhryvać bolš prykmietnuju rolu na vybarach. «Ale dla aktyŭnaha ŭdziełu partyj u vybarach nieabchodna, kab u ich byli takija ž aktyŭnyja členy. Pakul u partyj u Biełarusi buduć adsutničać hetyja jakaści, u ich kiraŭnictva adsutničać žadańnie aktyŭna ŭdzielničać u hramadskim žyćci, to i vyniku ŭ ich nie budzie», — ličyć Jarmošyna.
***
Pavodle jaje słoŭ, u kožnaj krainy pavinna być paśladoŭnaja taktyka i praktyka pryciahnieńnia mižnarodnych naziralnikaŭ na vybary. «U Biełarusi na miascovyja vybary mižnarodnyja naziralniki nie zaprašajucca. Kali my adzin raz zaprosim, to nie zmožam admovicca ad hetaj praktyki», — skazała jana.
Jarmošyna adznačyła,
što ŭ śviecie zaprašeńnie mižnarodnych naziralnikaŭ na miascovyja vybary nie praktykujecca, choć heta i nie zabaroniena.
Kiraŭnik CVK paviedamiła, što častkova ŭ jakaści mižnarodnych naziralnikaŭ na vybarach, jakija adbuducca ŭ druhoj pałovie krasavika, možna budzie razhladać supracoŭnikaŭ pasolstvaŭ, a taksama zamiežnych haściej, zaprošanych pa linii parłamienckich i rehijanalnych suviaziaŭ.
«Adnak kazać pra mižnarodnaje nazirańnie jak pra admietnuju rysu vybarčaj kampanii ŭ miascovyja saviety nie davodzicca», — padkreśliła jana.
Nahadajem, raniej pradstaŭniki demsił Biełarusi zaklikali mižnarodnyja arhanizacyi naładzić nazirańnie na miascovych vybarach. Tak, palitsaviet Abjadnanaj hramadzianskaj partyi na pasiadžeńni 26 listapada pryniaŭ adozvu da ABSIE z prośbaj nakiravać u Biełaruś misiju naziralnikaŭ na vybary ŭ miascovyja saviety. Jarmošyna, u svaju čarhu, padkreśliła, što pradstaŭniki BDIPČ ABSIE mohuć pryjechać tolki pavodle aficyjnaha zaprašeńnia CVK, i nazvała zakliki apazicyi pravakacyjaj.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary