Vajna22

Ukrainskija śpiecnazaŭcy vajavali ŭ vajnie ŭ Sudanie suprać PVK «Vahnier»

Nie mienš za 100 bajcoŭ śpiecnaza ŭkrainskaj raźviedki vajavali suprać PVK «Vahnier» u Sudanie. Udzieł ukrainskich śpiecnazaŭcaŭ u bajavych dziejańniach u Sudanie suprać paŭstancaŭ i rasiejskich farmavańniaŭ zjaŭlajecca častkaj stratehii, nakiravanaj na padryŭ vajennych i ekanamičnych apieracyj Rasii za miažoj, piša The Wall Street Journal.

Uładzimir Zialenski pravioŭ 23 vieraśnia 2023 hoda sustreču z al-Burchanam u aeraporcie ŭ Irłandyi

Pa danych WSJ, kiraŭnik Sudana Abdel Fatach al-Burchan źviarnuŭsia za dapamohaj da prezidenta Uładzimira Zialenskaha paśla taho, jak Sudan niehałosna pastaŭlaŭ Ukrainie zbroju ŭ 2022 hodzie. 

Abdel Fatach al-Burchan pa telefonie źviarnuŭsia da Zialenskaha, kali apynuŭsia ŭ abłozie ŭ stalicy krainy Chartumie: horad šturmavali paŭstancy Sił chutkaha reahavańnia, na baku jakich vajujuć bajcy PVK «Vahnier». 

Nieŭzabavie paśla prybyćcia ŭkrainskich vajskoŭcaŭ achoŭniki al-Burchana vyvieźli jaho z Chartuma ŭ raźmiaščeńnie ŭkraincaŭ, raskazali sudanskija čynoŭniki. Lidar Sudana padziakavaŭ ukraincam i adpraviŭsia ŭ horad Port-Sudan, jaki znachodzicca pad kantrolem viernych jamu vajskoŭcaŭ. 

Praź niekalki tydniaŭ, 23 vieraśnia, Zialenski pravioŭ niezapłanavanuju sustreču z al-Burchanam u aeraporcie ŭ Irłandyi. 

«Dla Ukrainy adpraŭka vojskaŭ u Afryku zjaŭlajecca novaj śmiełaj avanturaj — častkaj stratehii, nakiravanaj na padryŭ vajennych i ekanamičnych apieracyj Rasiei za miažoj, na toje, kab zrabić vajnu daražejšaj dla Maskvy i pazicyjanavać siabie jak aporu suprać rasiejskich uvarvańniaŭ, u tym liku ŭ rehijonach, dzie Zachad nie žadaje prymać niepasredny ŭdzieł», — piša vydańnie. 

«Linija frontu ŭ vajnie pamiž Ukrainaj i Rasijaj zaraz raspaścirajecca da Afryki», — śćviardžaje WSJ. 

U toj ža čas, havorycca ŭ publikacyi, «hetaja apieracyja źviazana sa značnaj palityčnaj ryzykaj u momant, kali padtrymka Ukrainy z boku Zachadu vahajecca». 

«U Sudanie Ukraina ŭmiešvajecca va ŭnutrany kanflikt u čužoj krainie, dzie zahinuli dziasiatki tysiač mirnych žycharoŭ, a ZŠA zajaŭlajuć, što abodva baki ździejśnili vajennyja złačynstvy. Dziaržsakratar ZŠA Entani Blinkien papiaredziŭ, što lubaja kraina, jakaja akazvaje materyjalnuju padtrymku, «niasie adkaznaść za raspalvańnie źvierstvaŭ suprać sudanskaha naroda», — piša WSJ. 

Kiraŭnik HUR Kirył Budanaŭ u kamientary vydańniu admoviŭsia skazać, ci dastaŭlali vajskoŭcaŭ u Sudan, ale daŭ abhruntavańnie ich adpraŭki. «Vajna — heta ryzykoŭnaja sprava. My viadziem paŭnacennuju vajnu z Rasiejaj… U ich jość padraździaleńni ŭ roznych častkach śvietu, i my časam sprabujem nanieści im udar tam», — skazaŭ jon. 

Pa danych vydańnia, ukrainskija vajskoŭcy taksama pačali navučać sudanskich sałdat niekatorym z tych ža taktyk, jakija dapamahli im strymlivać vialikaje rasiejskaje vojska, u pryvatnaści, vykarystańniu bieśpiłotnikaŭ. 

Raniej vydańnie Kyiv Post 6 listapada 2023 hoda apublikavała dva videa, na jakich, jak śćviardžałasia, vierahodna, ukrainskija śpiecnazaŭcy palujuć na najmitaŭ PVK «Vahnier» u Sudanie, choć ukrainski ŭrad aficyjna nie pryznała ni razhortvańnia bajavych padraździaleńniaŭ u Sudanie, ni praviadzieńnia apieracyj suprać vahnieraŭcaŭ u hetaj krainie. 

U Sudanie al-Burchan pryjšoŭ da ŭłady ŭ vyniku vajskovaha pieravarotu ŭ 2018 hodzie. U 2023-m suprać al-Burchana vystupili Siły chutkaha reahavańnia, u krainie pačałasia hramadzianskaja vajna.

Watch on TikTok

Kamientary2

  • Chełłoŭ Rusišš
    06.03.2024
    U Telehramie było videa z Sudana
  • Maksim Dizajnier
    07.03.2024
    100 čiełoviek?Raboty na niedielku dla rośsijskich VDV. Vojaki chutorskije.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ci adkažuć za tych, chto zadychnuŭsia?» Rasijskija vajenkary pišuć ab pravale šturmu Sudžy praz hazapravod24

«Ci adkažuć za tych, chto zadychnuŭsia?» Rasijskija vajenkary pišuć ab pravale šturmu Sudžy praz hazapravod

Usie naviny →
Usie naviny

Biełaruskaja doktarka raskazała cikavy sakret, jak chutka pazbavicca ad siniaka7

Nieabchodnuju sumu dla žurnalistki Ksienii Łuckinaj sabrali za dva dni2

U piatnicu znoŭ było amal +20°S1

Alaksiej Protas pryznany pieršaj zorkaj matča «Vašynhtona»

Žonka Džyna Chekmana pamierła ad redkaha virusa, jaki pieradajecca praz hryzunoŭ. A Chekman — praz tydzień, kala jaje6

U ZŠA ŭpieršyniu za 15 hadoŭ asudžanaha pakarali praz rasstreł8

Videa dziaŭčyny z adnoj nahoj zavirusilisia ŭ tyktoku. U jaje kranalnaja historyja1

Jak niezaležnyja sacyjołahi pravodziać apytańni ŭ siońniašnich realijach? 12 pytańniaŭ i adkazaŭ4

U Biełarusi pastavili jašče adzin pomnik chlebu FOTY13

bolš čytanych navin
bolš łajkanych navin

«Ci adkažuć za tych, chto zadychnuŭsia?» Rasijskija vajenkary pišuć ab pravale šturmu Sudžy praz hazapravod24

«Ci adkažuć za tych, chto zadychnuŭsia?» Rasijskija vajenkary pišuć ab pravale šturmu Sudžy praz hazapravod

Hałoŭnaje
Usie naviny →

Zaŭvaha:

 

 

 

 

Zakryć Paviedamić