7 sakavika na ŭsich biełaruskich mieteastancyjach znoŭ pastavili tempieraturnyja rekordy
Na ŭsich mieteastancyjach Biełarusi 7 sakavika, jak i ŭ papiaredni dzień, byli zafiksavanyja tempieraturnyja rekordy, piša «Pozirk», praanalizavaŭšy apieratyŭnyja i archiŭnyja danyja Biełhidramieta.
Novy absalutny maksimum hetaha dnia składaje ciapier 19,4 hradusa. Jon zarehistravany ŭ Lelčycach. Raniejšy pratrymaŭsia 30 hadoŭ (17,3 u Homieli ŭ 1995 hodzie).
6 sakavika ekstremum byŭ pieravyšany na 2,7 hradusa (19,7 u Samachvałavičach suprać 17 u Bieraści taksama ŭ 1995 hodzie).
1995 hodam datujucca pierakrytyja 7 sakavika rekordy na 33 z 48 stancyj, archiŭ jakich dastupny.
U Hrodnie, Lidzie i Navahrudku pierapisanyja maksimumy, zafiksavanyja ŭ 1961 hodzie, u Vilejcy i Łyntupach — u 1999-m, Baranavičach, Vaŭkavysku, Ivacevičach, Naračy i Pinsku — u 2002-m, Breście i Vysokim — u 2007-m, Mścisłavie — u 2017-m (miascovamu archivu mieteanazirańniaŭ mienš za 20 hadoŭ), Pružanach — u 2019-m.
U Vierchniadźvinsku, dzie było chaładniej za ŭsio (10,7 hradusa), paŭtorany rekord 1995 hoda.
U Minsku pavietra prahrełasia da 15,4 hradusa (było 14,6), u Homieli — da 17,8 (17,3), Breście — da 17,1 (14,9), Mahilovie — da 16,7 (14,7), Hrodnie — da 14,6 (11,1), Viciebsku — da 14,9 (12,7).
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary