U histaryčnym centry Hrodna pradajuć kvateru z hołymi ścienami. Hołymi ŭ pramym sensie
U abłasnym centry vystaŭlena na prodaž kvatera ŭ budynku 1904 hoda, jaki maje status historyka-kulturnaj kaštoŭnaści.
Trochpakajoŭka znachodzicca na pieršym paviersie trochpaviarchovaha doma pa adrasie vuł. Bataničnaja, 15.
Vyšynia stolaŭ — kala 4 mietraŭ, ahulnaja płošča trochpakajovaj kvatery składaje 67 m². Kvatera pradajecca z hołymi ścienami: staraja cehła ačyščana ad tynkoŭki abo jakich-niebudź inšych materyjałaŭ.
Na padłozie zalita novaja ściažka, taksama zamienienyja kanalizacyjnyja kamunikacyi. Na hetym śpis praviedzienych rabot skačvajecca. Taŭščynia ścien składaje kala 50 santymietraŭ.
Kvateru z hołymi ścienami acanili ŭ 60 tysiač dalaraŭ. Heta kala $890 za kvadrat pry siarednim košcie kvadrata ŭ Hrodnie $800. U kamplekcie z kvateraj idzie padvalnaje pamiaškańnie płoščaj kala 10 «kvadrataŭ».
Siarod pieravah pradaviec adznačaje vydatnaje miesca ŭ centry horada, cichi dvor i raźvituju infrastrukturu. Pieršy pavierch dazvalaje vyvieści pamiaškańnie ŭ kamiercyjnaje.
U apisańni pradaviec tłumačyć, što histaryčnaja cehła na ścienach pakinuta śpiecyjalna.
«Mahčyma, novy ŭładalnik vyrašyć zrabić ź joj niešta cikavaje», — havorycca ŭ abjavie.
Na adnoj sa ścien bačna, što raniej u joj była davoli vialikaja arka, jakuju paźniej zakłali cehłaj.
Kamianica pabudavanaja na pačatku 20 stahodździa. Nad aknom treciaha paviercha znachodziacca reljefnyja łacinskija litary TEPSIVA, naniesienyja ź intervałam u adno akno.
Čytajcie taksama:
U Hrodnie pabudujuć novy mikrarajon — vysotki mohuć sapsavać vid na Kałožskuju carkvu
Hrodziency stvaryli pietycyju suprać budaŭnictva novaha mikrarajona, jaki moža sapsavać vid na Kałožskuju carkvu
Čyrvony pakoj i Buda. U Minsku pradajuć kvateru z futurystyčnym dyzajnam
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni11
Kamientary