Jak rekanstrujujuć histaryčnuju zabudovu XIX stahodździa ŭ Łošyckim parku
U Łošyckim parku rekanstrujujuć histaryčnuju zabudovu XIX stahodździa. Na dadzienym etapie śpiecyjalisty zajmajucca stvareńniem prybudoŭ da troch histaryčnych budynkaŭ, što zachavalisia, paviedamlaje «Minskbud».
Prybudova da budynku na vuł. Čyžeŭskich, 17, vykonvajecca na starych uzmocnienych padmurkach. Na vonkavaj častcy mura vykarystoŭvajecca cehła XIX stahodździa, a astatnija try šerahi zrobleny z novaj kieramičnaj cehły. U chutkim časie da rabot dałučacca restaŭratary. Abjekt raściahniecca ŭzdoŭž vuł. Čyžeŭskich na 68,5 m.
Pobač z budynkam na zav. Čyžeŭskich, 5, uzvodziać adrazu dźvie prybudovy: źleva — adnapaviarchovaja, sprava — dvuchpaviarchovaja. Sam budynak zachavaje čatyry jarusy. Abiedźvie prybudovy — u cehle, zaprajektavany pryhožyja aračnyja prajomy, karnizy i pilastry. Abjekt raściahniecca na 70 m u daŭžyniu i budzie mieć šyryniu ad 13 da 18,5 m.
Taksama dvuchpaviarchovaja prybudova źjavicca i pobač ź isnujučaj pabudovaj na zav. Čyžeŭskich, 6. Budaŭniki ŭžo zalili padmurak i zanialisia ŭźviadzieńniem ścien.
Dziakujučy składanaj i karpatlivaj rabocie budaŭnikoŭ cudam ucalełyja budynki XIX stahodździa buduć zachavany, a ŭvieś kompleks stanie žamčužynaj Łošyckaha parka, abiacajuć u «Minskbud».
Ciapier čytajuć
Mielnikava rychtavała svajo źniknieńnie i manipulavała atačeńniem. Pakul niajasna, ci dziejničała jana pa kamandzie ź Minska58
Kamientary