15 salihorcam — amataram tvorčaści Paliny Smołavaj, viarnuli kvitki. Bolš achvotnych naviedać kancert śpiavački nie było.
Vystup Paliny ŭ Salihorskim HDK płanavaŭsia na 26 śniežnia, ale byŭ admienieny z pryčyny adsutnaści hladackaj cikavaści. Žycharoŭ Salihorska, raśpieščanych rasijskimi zorkami estrady, składana zaciahnuć na solnik «ajčynnych zorak».
«Što my tolki ni rabili, kab pryjšoŭ hladač, — zapeŭnivaje Halina Karaka, namieśnica dyrektara DK. — I na miascovym telebačańni anansavali i raściažku ŭ centry horada paviesili. Takaja ž historyja atrymałasia z Hiunieš. Jaje kancert taksama daviałosia admianić».
Razam z tym salihorcy achvotna kuplajuć kvitki pa 180 tys. na kancert Stasa Michajłava. Z anšłaham prachodziać vystupy Uładzimira Vinakura, Valeryja Mieładze, Barysa Maisiejeva.
A voś u Słucku zusim inšaja situacyja.
Siudy rasijskija zorki nie zajazdžajuć, a bolšaść biletaŭ na kancerty pradstaŭnikoŭ biełaruskaha šou‑biźniesu raspaŭsiudžvajucca praz pradpryjemstvy. Schiema prostaja: prafkam apłačvaje 50% koštu bileta. Kali ŭ pradpryjemstva niama hrošaj — kancert admianiajecca. Pa hetaj pryčynie ŭ kancy listapada admianili kancert Iny Afanaśjevaj.
Samyja kasavyja ŭ Słucku biełaruskija vykanaŭcy Hanna Šarkunova i Hieorhij Kałdun. Na ich kancerty słuččaki navat brali bilety bieź miescaŭ. A na kancert Smołavaj było pradadziena kala 350 biletaŭ (zała Doma kultury raźličana na 587 miescaŭ)».
