Выступ беларускай поп‑зоркі адмянілі.
15 салігорцам — аматарам творчасці Паліны Смолавай, вярнулі квіткі. Больш ахвотных наведаць канцэрт спявачкі не было.
Выступ Паліны ў Салігорскім ГДК планаваўся на 26 снежня, але быў адменены з прычыны адсутнасці глядацкай цікавасці. Жыхароў Салігорска, распешчаных расійскімі зоркамі эстрады, складана зацягнуць на сольнік «айчынных зорак».
«Што мы толькі ні рабілі, каб прыйшоў глядач, — запэўнівае Галіна Карака, намесніца дырэктара ДК. — І на мясцовым тэлебачанні анансавалі і расцяжку ў цэнтры горада павесілі. Такая ж гісторыя атрымалася з Гюнеш. Яе канцэрт таксама давялося адмяніць».
Разам з тым салігорцы ахвотна купляюць квіткі па 180 тыс. на канцэрт Стаса Міхайлава. З аншлагам праходзяць выступы Уладзіміра Вінакура, Валерыя Меладзэ, Барыса Маісеева.
А вось у Слуцку зусім іншая сітуацыя.
Сюды расійскія зоркі не заязджаюць, а большасць білетаў на канцэрты прадстаўнікоў беларускага шоу‑бізнесу распаўсюджваюцца праз прадпрыемствы. Схема простая: прафкам аплачвае 50% кошту білета. Калі ў прадпрыемства няма грошай — канцэрт адмяняецца. Па гэтай прычыне ў канцы лістапада адмянілі канцэрт Іны Афанасьевай.
Самыя касавыя ў Слуцку беларускія выканаўцы Ганна Шаркунова і Георгій Калдун. На іх канцэрты случчакі нават бралі білеты без месцаў. А на канцэрт Смолавай было прададзена каля 350 білетаў (зала Дома культуры разлічана на 587 месцаў)».
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам29
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары