Na 91-m hodzie žyćcia pamior Jaŭhien Pucin, stryječny brat Uładzimira Pucina. Jaho syn — namieśnik staršyni ŭ «Hazpramie», dačka vałodaje adnoj z najbujniejšych vuhalnych kampanij u Rasii.
Nakont pryčynaŭ i abstavinaŭ śmierci Jaŭhiena Pucina nie paviedamlajecca. U kancy lutaha jon adznačyŭ svajo 90-hodździe ŭ Suzdali ŭ domie svajho syna Michaiła, kazaŭ adnakłaśnik jaho dački. Pachavańnie adbyłosia 10 sakavika, piša «Ahienctva».
Siamja Jaŭhiena Pucina žyła ŭ Ivanavie da 2002 hoda i pierajechała ŭ Maskvu paśla prychodu da ŭłady prezidenta Pucina, pisaŭ «Prajekt». Syn Jaŭhiena Pucina Michaił zajmaje pasadu namieśnika staršyni praŭleńnia «Hazprama» i ŭvachodzić u praŭleńnie kampanii. Piaskoŭ kazaŭ, što heta «daloki svajak» Pucina, ź jakim jon nie kantaktuje.
Dačka Jaŭhiena Pucina Hanna zaraz nosić proźvišča Cyvilova, jana zamužam za hubiernataram Kiemieraŭskaj vobłaści Siarhiejem Cyvilovym. U 2018 hodzie jana atrymała ad muža, jaki staŭ kiraŭnikom Kuzbasa, 70% kampanii «Kałmar», adnaho z najbujniejšych rasijskich vuhlezdabyŭnych pradpryjemstvaŭ.
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
13 sakavika na plenumie ckpss pryznačili Michaiła Harbačova...