Prafiesar raskazaŭ, kolki jajek možna źjeści na Vialikdzień i jak doŭha možna trymać varanyja jajki na stale
Jak pravilna ich pryhatavać — jakim pavinien być žaŭtok, a jakim białok? Jak zachoŭvać vielikodnyja jajki, kab jany byli biaśpiečnyja? Što rabić, kab nie pierajeści ŭ śviaty? Na hetyja pytańni Delfi adkazaŭ prafiesar miedycynskaha fakulteta Vilenskaha ŭniviersiteta Rymantas Stukas.
Prafiesar Stukas skazaŭ, što ŭ naš čas jajki reabilitavanyja, tamu, kali čałaviek pravilna charčujecca, kali jon zdarovy, kali ŭ jaho niama chvarob, vyklikanych niapravilnym charčavańniem, to adno jajka ŭ dzień škody nie pryniasie.
Jon dadaŭ, što čałaviek, jaki pravilna charčujecca, moža źjeści da 9 jajek u tydzień. «Časam mužčyna, źjeŭšy adno jajka, nie najadajecca. Tamu za raz možna źjeści 2-3 jajki. Ale bolš za 9 na tydzień jeści nie varta».
A voś ludziam, u jakich pavyšany ŭzrovień chalesterynu, jość zališniaja vaha, u jakich jość chvaroby, vyklikanyja niapravilnym charčavańniem, jajki treba jeści radziej.
Stukas nahadaŭ i rekamiendacyju Suśvietnaj arhanizacyi achovy zdaroŭja, samaja karysnaja častka jajki — heta białok.
«U jajku ŭtrymlivajucca ŭsie nieabchodnyja dla nas rečyvy», — skazaŭ prafiesar.
Pa słovach prafiesara, jajka treba varyć tak, kab białok całkam zvaryŭsia, a žaŭtok zastavaŭsia vadkim.
Viadoma, jość stravy, u jakich vykarystoŭvajuć zvaranyja ŭkrutuju jajki. U takim vypadku važna nie pieravaryć jajki. Kali varyć jajka 15 chvilin i bolš, jaho pažyŭnaja kaštoŭnaść źnizicca.
Farbavanyja jajki nielha ŭvieś dzień trymać na stale. Prafiesar skazaŭ, što pry pakajovaj tempieratury na stale jajki nielha trymać bolš 2-3 hadzin, potym ich treba prybrać u chaładzilnik. Kali jajki łopnuli, to ŭ chaładzilniku ich možna trymać nie daŭžej za dva-try dni.
Prafiesar skazaŭ, što niadobra časta mianiać tempieraturu zachoŭvańnia jajek — to dastavać z chaładzilnika, to stavić ich nazad.
«Kładzicie na stoł stolki jajek, kolki płanujecie źjeści za raz, astatnija nie dastavajcie z chaładzilnika».
Kab nie pierajadać, prafiesar rekamienduje vykonvać umieranaść.
«Jajki časta jaduć z majanezam, ich dadajuć u sałaty, u jakich taksama jość majanez. Jajki jaduć ź sieladcom, a jon tłusty. Tamu važnaja ŭmieranaść, treba atrymlivać asałodu ad ježy. Kali ŭ straŭnik adnačasova patrapić šmat žytnaj ježy, da čaho arhanizm niazvykły, fiermienty mohuć z hetym nie spravicca, mohuć raźvicca prablemy sa zdaroŭjem. Tamu važna jeści ŭmierana.
Kožny dzień treba vykonvać pryncyp zdarovaha charčavańnia», — skazaŭ prafiesar Stukas.
Čytajcie taksama:
Jak pryhoža, ale ekałahična krasić jajki da Vialikadnia
Ciapier čytajuć
Ad BNF da HRU. Chto takaja Natalla Sudlankova, jakoj čechi zahadali pakinuć krainu4
Kamientary