Minskaja Dziaržaŭtainśpiekcyja surjozna zojmiecca parkoŭkaj hruzavoha transpartu u niavyznačanych miescach.
Ź siońniašniaha dnia i pa 27 studzienia DAI praviadzie dekadu pa vyjaŭleńni parušeńniaŭ praviłaŭ stajanki transpartnych srodkaŭ masaj bolš za 3,5 t. Jak viadoma, uładalniki hetaj katehoryi aŭtamabilaŭ niaredka parkujuć mašyny ŭ dvarach žyłych damoŭ, u zialonych zonach i h.d.
Padčas dekady inśpiektary DPS buduć vyjaŭlać miescy kancentracyi hruzavych aŭtamabilaŭ. Dla hetaha pry abśledavańni vulična‑darožnaj sietki milicyja prymienić prybory fota‑i videafiksacyi. Usich parušalnikaŭ abaviazkova pryciahnuć da administracyjnaj adkaznaści. Kali hetyja kiroŭcy — supracoŭniki jakoj‑niebudź transpartnaj arhanizacyi, ich kiraŭnikam buduć vydavacca adpaviednyja zahady.
Akramia taho, padčas dekady DAI Minska voźmie pad asablivy kantrol maršrutnyja taksi. Pavodle źviestak Dziaržaŭtainśpiekcyi, u stalicy ŭ 2009 hodzie na 50% pavialičyłasia kolkaść darožna‑transpartnych zdareńniaŭ, u jakich pa vinie kiroŭcaŭ maršrutak paciarpieli ludzi.
