Pratesty ŭ Tbilisi. Fota: Zurab Tsertsvadze / AP
Kiroŭnaja partyja Hruzii paŭtorna ŭnosić u parłamient zakonaprajekt ab «zamiežnych ahientach». Jon praktyčna identyčny dakumientu, jaki byŭ adklikany hod tamu ŭ suviazi z masavymi pratestami, piša «Mieduza».
Pra toje, što «Hruzinskaja mara» znoŭ źbirajecca inicyjavać razhlad zakonaprajekta ab «zamiežnych ahientach», paviedamiŭ lidar parłamienckaj frakcyi kiroŭnaj partyi Mamuka Mdynaradze.
Pavodle słoŭ Mdynaradze, rašeńnie ab paŭtornym razhladzie zakonaprajekta było pryniata «ŭ vyniku kansultacyi z palityčnaj radaj partyi».
Tekst zakonaprajekta, jaki rychtujecca da razhladu, praktyčna całkam supadaje z tekstam dakumienta, jaki byŭ adklikany z parłamienta hod tamu ŭ suviazi z masavymi pratestami.
Adzinaja roźnica zaklučajecca ŭ tym, što ŭ novaj viersii zakonaprajekta termin «zamiežny ahient» zamianili na «arhanizacyja, jakaja ažyćciaŭlaje dziejnaść u intaresach zamiežnaj dziaržavy».
U sakaviku 2023 hoda zakonaprajekt ab «zamiežnych ahientach» užo ŭnosili na razhlad u parłamient Hruzii. Tady deputaty pryniali jaho ŭ pieršym čytańni, što vyklikała chvalu masavych pratestaŭ. Akcyi la parłamienta ŭ Tbilisi pieraraśli ŭ sutyknieńni z palicyjaj. Pratestoŭcaŭ padtrymała prezident Hruzii Sałamie Zurabišvili. Nieŭzabavie zakonaprajekt byŭ adklikany z parłamienta.
Čytajcie taksama:
Stralba na rynku ŭ Rustavi (Hruzija): čaćviora zabitych, adzin paranieny
Prezident Zurabišvili: Zaŭsiody było adčuvańnie, što Rasija — vorah Hruzii
