Hamialčuk daŭno chacieŭ źnieści pabudovu na svaim učastku, ale nie moh damovicca z saŭładalnikami. Usio vyrašyła ŭčorašniaja stychija
U Homieli abvaliłasia ściana pryvatnaha doma pa vulicy Plachanava. Na ščaście, nichto nie paciarpieŭ. Hamialčuk, na ŭčastku jakoha ŭsio adbyłosia, raspavioŭ «Mocnym navinam» niekatoryja padrabiaznaści.
Pa słovach mužčyny, budynak byŭ niežyłym. Hetaj pabudovie ŭžo kala 20 hadoŭ, i jaje źbiralisia źnieści.
«Adzin z dolščykaŭ kala 20 hadoŭ pražyvaje dzieści ŭ Francyi, a druhi — u Izraili. Da hetaha budynka im nie było nijakaj spravy. Pakolki z ułaśnikami nie było kantaktu, treba było rašeńnie administracyi na znos. Takim čynam, usie finansavyja vydatki i biurakratyčnyja pravałoki całkam lahli na našy plečy», — raspaviadaje hamialčuk.
Źnieści taki dom — zadavalnieńnie nie z tannych, za takuju pracu pryjdziecca vykłaści paradku 10 tysiač rubloŭ. Ale tut u spravu ŭmiašałasia stychija.
«Znachodzilisia doma, pačuli hrukat. Vyjšli na vulicu — a tam takaja situacyja. Vyklikali ratavalnikaŭ, jany razabrali zavały i rasčyścili miascovaść, kab pierakanacca ŭ adsutnaści achviar», — raspaviadaje padpisčyk.
Takim čynam, pryroda vyrašyła «dapamahčy» hamialčaninu źnieści niepatrebny budynak. Hałoŭnaje, što abyšłosia biez achviar.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia20
Kamientary
Vidimo, načinajuŝije błoChiery homielskije posietili novinku!
20 let postrojkie, sobiraliś śniesti...
Biednyje jehipietskije piramidy, oni pod uhrozoj!)
Dachi vietram zryvaje - heta zaprasta, a voś kab ścienku z cehły raskidała - pieršy raz baču :))