Supracoŭnik vyviesiŭ u muziei svaju karcinu pobač z karcinami suśvietna viadomaha mastaka — i byŭ zvolnieny
Praca visieła pobač z tvorami Endzi Uorchała.
Muziej «Pinakateka sučasnaści» ŭ Miunchienie zvolniŭ supracoŭnika za toje, što jon tajemna vyviesiŭ u muziei ŭłasnuju karcinu ŭ adnoj prastory z karcinami Endzi Uorchała. Praca pravisieła da zakryćcia, piša newsru.co.il.
Administracyja «Pinakateki sučasnaści» paćvierdziła, što rabotnik techničnaj słužby byŭ zvolnieny, bo vyviesiŭ svaju pracu ŭ adździele sučasnaha mastactva, padzialiŭšy vystavačnuju prastoru z Endzi Uorchałam.
Supracoŭnik, jaki ličyć siabie mastakom, zrabiŭ heta «ŭ nadziei ździejśnić svoj praryŭ».
51-hadovy mužčyna tajemna pranios svoj tvor na vystavu, jon ličyŭ svaju pracu ŭ muziei časovaj, jakaja zabiaśpiečvaje jaho, pakul jon šukaje svajo sapraŭdnaje paklikańnie.
Pradstaŭnik Pinakateki taksama paviedamiŭ, što karcina pamieram 60 na 120 sm była vyviešanaja ranicaj, a zaŭvažanaja tolki paśla adkryćcia muzieja.
«Było pryniata rašeńnie pakinuć karcinu navidavoku, pakul halereja adkryta, i prybrać jaje paśla zakryćcia ŭ 18:00», — dadaŭ jon. Karcina pravisieła ŭ muziei vosiem hadzin.
Majučy dostup da ŭnutranych pamiaškańniaŭ muzieja, technik vyviesiŭ svaju karcinu na biełaj ścianie ŭ kalidory pieršaha paviercha ŭschodniaha kryła.
Pinakateka admoviłasia vydavać siužet i styl karciny, kab nie zaachvočvać žartaŭnikoŭ-pierajmalnikaŭ.
Kantrakt z supracoŭnikam byŭ skasavany, taksama jamu zabaroniena ŭvachodzić u pamiaškańni muzieja, sprava pieradadziena ŭ palicyju. Jak miarkujecca, kab paviesić karcinu, pačatkoviec-mastak praśvidravaŭ dźvie dzirki ŭ ścianie, što taksama traplaje pad artykuł ab naŭmysnym psavańni majomaści.
Možna tolki hadać, jak adreahavaŭ by na taki akt samapijaru Endzi Uorchał, karol pop-artu.
Zrešty, uličvajučy charaktar mastaka i jaho mastactva, možna ŭjavić, što vielmi stanoŭča.
Pinakateka sučasnaści (Pinakothek der Moderne) — mastacki muziej u Miunchienie, pad dacham jakoha raźmieščany čatyry niezaležnyja adzin ad adnaho muzieja. Jaho pastajannaja kalekcyja naličvaje bolš za 20 tysiač rabot, uklučajučy karciny viadučych mastakoŭ dvaccataha stahodździa.
«Novaj Biełarusi dla siabie nie znajšoŭ, a staraja skončyłasia». Mastak-emihrant raskazaŭ, čamu rasčaravaŭsia ŭ radzimie
U minskim muziei adkryli vystavu, pryśviečanuju jubilejam adrazu siami piśmieńnikaŭ
U Maskvie pamierła mastactvaznaŭca, jakuju kachaŭ Karatkievič. Jana pakinuła darahuju kalekcyju ŭ spadčynu Pucinu
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Kamientary