Masavyja pravierki vučebnych aŭtamabilaŭ i bujnych aŭtadromaŭ pačynajucca 20 studzienia ŭ Biełarusi.
Jak paviedamlaje pres‑słužba UP «Biełtechahlad», pravierki buduć doŭžycca da 30 studzienia ŭ miežach akcyi «Biaśpieka ruchu», arhanizatarami jakoj vystupajuć strukturnyja padraździaleńni Ministerstva transpartu i kamunikacyj (UP «Biełtechahlad» i Transpartnaja inśpiekcyja), a taksama UDAI MUS.
Pa ŭsioj krainie budzie pravierana jakaść praktyčnaha navučańnia kiravańniu ŭ aŭtaškołach.
Dla hetaha inśpiekcyjnyja hrupy naviedajuć najbolš ažyŭlenyja aŭtadromy. Akramia taho, vučebnyja aŭtamabili buduć praviarać na haradskich i zaharadnych maršrutach.
Pavodle infarmacyi pres‑sakratara UP «Biełtechahlad» Aleny Prakapieni, apošnim časam stali častymi vypadki vyjaŭleńnia transpartnych srodkaŭ ź nie projdzienym svoječasova dziaržtechahladam. U suviazi z hetym jašče adnoj metaj akcyi budzie źjaŭlacca ŭzmacnieńnie kantrolu za svoječasovym prachodžańniem dziaržtechahladu i pryciahnieńnie ŭvahi ŭładalnikaŭ da pytańniaŭ padtrymańnia aŭtamabilaŭ u technična spraŭnym stanie.
