Масавыя праверкі вучэбных аўтамабіляў і буйных аўтадромаў пачынаюцца 20 студзеня ў Беларусі.
Як паведамляе прэс‑служба УП «Белтэхагляд», праверкі будуць доўжыцца да 30 студзеня ў межах акцыі «Бяспека руху», арганізатарамі якой выступаюць структурныя падраздзяленні Міністэрства транспарту і камунікацый (УП «Белтэхагляд» і Транспартная інспекцыя), а таксама УДАІ МУС.
Па ўсёй краіне будзе праверана якасць практычнага навучання кіраванню ў аўташколах.
Для гэтага інспекцыйныя групы наведаюць найбольш ажыўленыя аўтадромы. Акрамя таго, вучэбныя аўтамабілі будуць правяраць на гарадскіх і загарадных маршрутах.
Паводле інфармацыі прэс‑сакратара УП «Белтэхагляд» Алены Пракапені, апошнім часам сталі частымі выпадкі выяўлення транспартных сродкаў з не пройдзеным своечасова дзяржтэхаглядам. У сувязі з гэтым яшчэ адной мэтай акцыі будзе з’яўляцца ўзмацненне кантролю за своечасовым праходжаннем дзяржтэхагляду і прыцягненне ўвагі ўладальнікаў да пытанняў падтрымання аўтамабіляў у тэхнічна спраўным стане.
Каментары