«Zabivaje pa kazuli kožnyja 6 dzion». Viedamstva Šunieviča zaŭvažyła siarod drapiežnikaŭ jašče adnaho kankurenta dla palaŭničych
Biełaruskaje tavarystva palaŭničych i rybałovaŭ papiaredziła, što ŭ Biełarusi niekantralavana raście papulacyja rysiaŭ. U 1993 hodzie kolkaść hetaha vidu składała ŭsiaho 400—450 asobin, što stała pryčynaj jaho ŭniasieńnia ŭ Čyrvonuju knihu. Ale letaś pa Biełarusi ŭžo naličyli 1682 rysiaŭ, bolš za ŭsio ich žyvie ŭ Minskaj, Viciebskaj i Homielskaj abłaściach. I ŭ hetym prablema.
BTPR śćviardžaje:
«Ryś źjaŭlajecca vysokaśpiecyjalizavanym drapiežnikam i siłkujecca tolki śviežym miasam, zapasaŭ nie robić. Razavaje spažyvańnie ježy ryśsiu nievialikaje — 400—900 h, maksimum — 1200 h (adnaho zajca-rusaka samka z 2 dzicianiatami źjadaje prykładna na 2/3). Vypadkaŭ viartańnia da svajoj zdabyčy paśla pieršaha charčavańnia praktyčna nie zafiksavana. Asnovu jaje ježy składajuć kazuli, zajcy, rabčyki, vaviorki, ciecieruki i hłušcy. Adnak byli zafiksavanyja vypadki zdabyčy ryśsiu aleniaŭ i łasioŭ hetaha hoda z poźniaha cialeńnia».
A pakolki «ryś žyvie dosyć asieła, na svaim palaŭničym učastku jana akazvaje značny ŭpłyŭ na papulacyi palaŭničych vidaŭ. Pry praviadzieńni nazirańniaŭ było ŭstanoŭlena, što darosły samiec rysi zabivaŭ u siarednim 1 kazulu kožnyja 6 dzion, a darosłaja samka z dvuma kacianiatami — pa 1 kazuli kožnyja 4-5 dzion».
Niahledziačy na toje, što ryś pavodzić siabie vielmi aściarožna i imkniecca nie traplacca na vočy čałavieku, ciapier niaredkija vypadki sustrečy rabotnikaŭ BTPR i inšych palaŭničych z hetym źvieram, adznačyli ŭ arhanizacyi, padkreśliŭšy, što «ryś usio čaściej stali zaŭvažać na darohach i ŭ nasielenych punktach».
«Padsumoŭvajučy skazanaje: kolkaść rysi raście, što ŭ svaju čarhu adbivajecca na źnižeńni kolkaści papulacyj palaŭničych vidaŭ. Najbolš aptymalnym rašeńniem hetaj prablemy ličym uklučeńnie hetaha vidu dzikich žyvioł u pieralik narmavanych vidaŭ palaŭničych žyvioł i arhanizacyju na jaho palavańnia», — adznačyli ŭ BTPR.
Tam ličać, što ŭklučeńnie rysi ŭ pieralik narmavanych vidaŭ palaŭničych žyvioł «dazvolić pravodzić na jaje palavańnie tolki pa dazvołach, pry hetym pamier kanfiskacyi budzie nievialiki, a palavańnie budzie arhanizoŭvacca tolki ŭ miescach najbolšaj kancentracyi hetaha vidu».
Akramia rysi, BTPR i asabista jahony kiraŭnik, były ministr unutranych spraŭ Ihar Šunievič, užo niekalki hadoŭ pravodziać nastojlivuju kampaniju za vyklučeńnie z Čyrvonaj knihi i ŭklučeńnie ŭ lik palaŭničych vidaŭ na terytoryi Biełarusi buraha miadźviedzia. Taksama Šunievič vykazvaŭsia za toje, kab pačać palavać na busłoŭ, žuravoŭ i lebiedziaŭ. Maŭlaŭ,
«kali b papulacyju lebiedziaŭ i busłoŭ choć trochi praredzili, to heta b pajšło tolki na karyść usim astatnim vodna-bałotnym i łuhavym vidam žyvioł».
Charyzmatyčny drapiežnik našych lasoŭ. Tajamnicy biełaruskaj rysi
U Homieli da pieradvybarčaj mabilizacyi padklučyli navat ryś
U Biełarusi stvorać novuju Čyrvonuju knihu i vyklučać ź jaje niekatoryja vidy
U Biełarusi značna pavialičyłasia kolkaść vypadkaŭ hibieli kapytnych u DTZ, za adny sutki — 33 žyvioliny
Pamiatajecie «paśpiachovuju miljanierku» Zareckuju? Vyhladaje, što jaje kampanija — usio26
Pamiatajecie «paśpiachovuju miljanierku» Zareckuju? Vyhladaje, što jaje kampanija — usio
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka24
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu7
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 11
Kamientary