U centry Minska pabudujuć niezvyčajny žyły kompleks. Z harderobnymi i voknami ŭ sanvuzłach
Žyły kompleks u miežach vulic Zacharava i Andrejeŭskaj pačnuć budavać praź miesiac-paŭtara. Pra heta raskazaŭ hienieralny dyrektar «Minskbuda» Alaksandr Cierachaŭ, pišuć Minsk-naviny.
Alaksandr Cierachaŭ udakładniŭ, što niekalki hadoŭ tamu pačali raspracoŭku dakumientacyi dla budaŭnictva hetaha kompleksu. Sioleta placoŭku rasčyścili, i ciapier zastałosia dačakacca apošnich dazvolnych dakumientaŭ.
Dyrektar «Minskbuda» padkreśliŭ, što «praź miesiac-paŭtara» pačnuć asvajeńnie hetaj terytoryi. U vyniku ŭ mikrarajonie raźmieściacca damy źmiennaj pavierchavaści z sučasnymi fasadami. Na pieršych pavierchach buduć pamiaškańni dla małoha biznesu, u tym liku dla roznych kafe i inšych abjektaŭ.
Pa słovach Alaksandra Cierachava, kvatery takoha farmatu pakul redka sustrakajucca, ale karystajucca papularnaściu. Ich asablivaści — asobnyja harderobnyja i vokny ŭ sanvuzłach.
Kiraŭnik «Minskbuda» ŭdakładniŭ, što «takija voś modnyja» fiški «siońnia vielmi zapatrabavanyja ŭ moładzi i na rynku žylla».
Abiacajuć taksama abstalavanyja hulniavyja placoŭki i dastatkovuju kolkaść mašyna-miescaŭ.
Kamientary