Stali viadomyja padrabiaznaści pra zahinułaha śvietłahorca, jaki vajavaŭ u PVK «Vahnier»
Pra hibiel va Ukrainie čarhovaha biełarusa, jaki vajavaŭ u składzie rasijskich akupacyjnych vojskaŭ na Danbasie, pazaŭčora paviedamiła «Homielskaja viasna», a «Fłahštok» zdabyŭ dadatkovuju infarmacyju.
«Homielskaja viasna» paviedamiła pra toje, što ŭradženiec Śvietłahorska Marat Suŭchanaŭ paśla zakančeńnia miascovaha liceja chimikaŭ adpraviŭsia ŭ Rasiju. Tam jon pracavaŭ vachtavym mietadam u buravoj kampanii, a paśla byŭ zatrymany ŭ Rasii i asudžany pa narkatyčnym artykule. Padčas adbyćcia pakarańnia biełarus byŭ zavierbavany na ŭmovach amnistyi ŭ PVK «Vahnier».
Jak udakładniŭ «Fłahštok», Marat Suŭchanaŭ zahinuŭ u 33-hadovym uzroście na terytoryi samaabvieščanaj «ŁNR» u padraździaleńni PVK «Vahnier», vajujučy suprać Ukrainy. Heta adbyłosia jašče ŭ kancy 2022 hoda:
«Maracika ŭžo paŭtara hoda niama z nami… Zahinuŭ na vajnie va Ukrainie. Carstva jamu niabiesnaje. Heta była nie jaho vajna, ale jaho los zły… Zły rok tudy jaho adpraviŭ», — taki kamientar atrymaŭ «Fłahštok» ad znajomaha najmita.
Na staroncy Suŭchanava ŭ sacsietcy zastalisia zapisy tolki da 2018 hoda.
Cikava, što tady biełarus siarod inšaha zrabiŭ repost aniekdota, jaki akazaŭsia surovaj realnaściu: «Nam nužien mir, zajaviła Rośsija. Mir nastorožiłsia».
Vierbavać źniavolenych u rasijskich kałonijach dla ŭdziełu ŭ vajnie ŭ PVK «Vahnier» aktyŭna pačali letam 2022 hoda. Takim čynam, najmit-biełarus zahinuŭ raniej, čym skončyŭsia ŭstanoŭleny ŭ PVK paŭhadavy termin da zakančeńnia kantraktu i amnistyi.
Svajakam Marata Suŭchanava pieradali niekalki tabličak «Siamja bajca PVK «Vahnier», jaki addaŭ žyćcio za Rasiju» (takimi pry žadańni možna paznačać siabie samich i svaje damy), a taksama hramatu ad Leanida Pasiečnika — kiraŭnika tak zvanaj «ŁNR».
Jašče adzin były žychar Biełarusi zahinuŭ u składzie PVK «Vahnier»
My znajšli biełarusa, jaki zahinuŭ na vajnie za Rasiju. Jon z Maładziečna, zavierbavaŭsia adrazu paśla dembielu
Rasijanin viarnuŭsia z frontu ŭ Homiel. Tut jaho zatrymali i buduć sudzić
Žychar paleskaha Ivanava pajechaŭ u PVK «Vahnier», a paśla viarnuŭsia i byŭ asudžany. Zdahadajeciesia, za što?
«Ja musiła hladzieć miesca dla ludziej, jakija pierachodziać miažu. Što moža pajści nie tak?» Dramatyčnaja historyja aryštu Alesi Bunievič5
«Ja musiła hladzieć miesca dla ludziej, jakija pierachodziać miažu. Što moža pajści nie tak?» Dramatyčnaja historyja aryštu Alesi Bunievič
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka75
Kamientary