Jeŭrakamisija maje namier uzmacnić nahlad za miesiendžaram praz adsutnaść na płatformie pastajannaj maderacyi i kantrolu za dziejnaściu terarystaŭ i ekstremistaŭ, paviedamlaje Devby.io.
U jakaści svajho jeŭrapiejskaha pradstaŭnika Telegram abraŭ bruselskuju kampaniju European Digital Services Representative (EDSR). Prahramu budzie rehulavać bielhijskaje viedamstva — «Instytut paštovych i telekamunikacyjnych technałohij» (BIPT). Rehulatar budzie praviarać pracu miesiendžara na adpaviednaść zakonu «Ab ličbavych pasłuhach» (DSA).
Zhodna z novym zakonam DSA, usie bujnyja IT-kampanii, jakija pracujuć u ES, abaviazanyja pryznačyć svajho aficyjnaha pradstaŭnika ŭ adnoj z krain-siabroŭ. Status rehulatara instytut atrymaje paśla adpaviednaj publikacyi ŭ aficyjnym vieśniku ES. Luby čałaviek zmoža padać skarhu ŭ BIPT na supraćpraŭny kantent u Telegram pry adsutnaści reakcyi z boku miesiendžara.
DSA nabyŭ moc u 2023 hodzie. Jon abaviazvaje bujnyja płatformy z aŭdytoryjaj zvyš 45 miljonaŭ unikalnych karystalnikaŭ na miesiac sačyć za kantentam i płacić zbory nahladnym orhanam. Parušeńnie praviłaŭ ciahnie štraf u pamiery da 6% ad štohadovaha suśvietnaha abarotu kampanii. Paŭtornaje parušeńnie pahražaje zabaronaj na dziejnaść na terytoryi ES.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary