Składanaści z naradžeńniem dziaciej adčuvajuć ad 15 da 17 pracentaŭ biełaruskich siemjaŭ.
Prablemy, jakija abciažarvajuć naradžeńnie dziaciej, u mužčyn i žančyn sustrakajucca prykładna ŭ roŭnaj stupieni — takija źviestki daje «Maci i dzicia», piša Tochka.
U 2023 hodzie ŭ Biełarusi praviali 1880 cykłaŭ EKA. Pa zakonie, pieršaja takaja pracedura pravodzicca biaspłatna. Za 20 hadoŭ vykarystańnia dapamožnych repraduktyŭnych technałohij naradzilisia bolš za 10 tysiač dziaciej. Pryčym jość siemji, dzie paśla EKA naradzilisia niekalki dziaciej.
Pavodle źviestak namieśnika ministra pracy i sacyjalnaj abarony nasielnictva Valeryja Kavalkova, u Biełarusi amal 124 tys. šmatdzietnych siemjaŭ, u jakich vychoŭvajecca 405 tys. dziaciej. U takich siemjach vychoŭvajecca kožnaje čaćviortaje dzicia.
Čytajcie taksama:
Demahrafičnaja katastrofa. Uzrovień naradžalnaści ŭ Biełarusi apuściŭsia nižej za vajennyja časy
Źnižeńnie naradžalnaści va ŭsim śviecie moža adbycca chutčej, čym čakałasia
Stała viadoma, kolki biełarusaŭ naradziłasia ŭ 2023. Situacyja najhoršaja za ŭvieś čas padlikaŭ
