Mikałaj Patrušaŭ. Fota: Pavel Bednyakov, Sputnik, Kremlin Pool Photo via AP, File
Były sakratar Rady biaśpieki Rasii Mikałaj Patrušaŭ pryznačany pamočnikam Pucina. Jak paviedamlałasia raniej, sakratarom Rady biaśpieki pryznačyli eks-ministra abarony Siarhieja Šajhu.
Taksama pamočnikam prezidenta Rasii staŭ były achoŭnik Pucina, hubiernatar Tulskaj vobłaści Alaksiej Dziumin.
Mikałaj Patrušaŭ, jak paviedamiŭ pres-sakratar Pucina Dźmitryj Piaskoŭ, budzie zajmacca pytańniami karablebudavańnia, a Dziumin — kuryravać APK i sport.
Aproč taho, Pucin pryznačyŭ novy skład Administracyi prezidenta Rasii: jon pierapryznačyŭ Antona Vajno jaje kiraŭnikom. Maksim Areškin pryznačany namieśnikam kiraŭnika Administracyi prezidenta — raniej jon zajmaŭ pasadu pamočnika kiraŭnika dziaržavy.
Dźmitryj Piaskoŭ zachavaŭ pasadu namieśnika kiraŭnika Administracyi prezidenta — pres-sakratara Uładzimira Pucina, piša RBK.
Čytajcie taksama:
Pucin źniaŭ Šajhu z pasady ministra abarony — i pastaviŭ sakratarom Rady biaśpieki
«Rasija rychtujecca da doŭhaj vajny»: pra što śviedčyć pryznačeńnie Biełavusava
