Adzinokuju maci sudziać u Minsku pa troch pratesnych artykułach
Minski haradski sud 15 traŭnia pačynaje razhlad kryminalnaj spravy Kaciaryny Šablinskaj-Ivanovaj.
Jaje sudziać pa troch artykułach Kryminalnaha kodeksa:
- č.1 art. 130 («raspalvańnie inšaj sacyjalnaj varožaści abo varažniečy»),
- č. 3 art. 361 («zakliki da mier abmiežavalnaha charaktaru, inšych dziejańniaŭ, nakiravanych na pryčynieńnie škody nacyjanalnaj biaśpiecy Biełarusi»),
- č. 1 art. 342 («arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich»).
Spravu pryznačanaja razhladać sudździa Alena Šylko, piša «Viasna».
Mienavita jana vyniesła prysud Alesiu Puškinu, jaki pamior za kratami. Ahułam Šylko zasudziła biełarusaŭ bolš čym na 75 hod źniavoleńnia. Praź jejnyja ruki taksama prajšli Źmicier Daškievič, Eduard Łobaŭ, Nasta Łojka, Ivan Muraŭjoŭ dy inšyja.
Kaciaryna Šablinskaja-Ivanova — minčanka, joj 33 hady. Paśla škoły skončyła Minski dziaržaŭny kaledž kulinaryi. Da zatrymańnia adna vychoŭvała 6-hadovaha syna.
Mierkavana, Kaciaryna była zatrymanaja napačatku vieraśnia 2023 hoda: mienavita ŭ hety čas žančyna pierastała karystacca sacyjalnymi sietkami.
Padtrymajcie Kaciarynu: SIZA №1 Navadvorski s/s, 143/4, v. Paškavičy, Minski rajon, Minskaja vobłaść, 223016. Kaciaryna Siarhiejeŭna Šablinskaja-Ivanova.
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim23
Kamientary