U Mahilovie ŭ bazu «darmajedaŭ» uklučyli mužčynu ź niepracoŭnaj hrupaj invalidnaści
Druhaja hrupa invalidnaści ŭ Biełarusi niepracoŭnaja, ale mahiloŭskija ŭłady ŭsio adno ŭklučyli ŭ bazu «darmajedaŭ» jaje ŭładalnika Siarhieja Hirkina, paviedamlajuć pravaabaroncy z Mayday.team.
Siarhiej Hirkin vykłaŭ u sacsietki svaju novuju «žyroŭku», u jakoj «kamunałka» naličanaja pavodle «taryfaŭ, jakija zabiaśpiečvajuć poŭnuju kampiensacyju ekanamična abhruntavanych vydatkaŭ». Mužčyna ličyć, što pryčyna zaniasieńnia ŭ bazu «darmajedaŭ» — jahony adjezd ź Biełarusi. Mahiloviec užo piać hadoŭ žyvie ŭ Polščy i nie atrymlivaje biełaruskaj dapamohi pa invalidnaści.
Biesterminovuju druhuju hrupu invalidnaści praź dziciačy cerebralny paralič Siarhiej maje z 1993 hoda. Mužčyna — vieteran demakratyčnaha ruchu Mahilova, jon byŭ pastajannym udzielnikam pratestavych akcyjaŭ apazicyi z pačatku 1990-ch hadoŭ. Siarhieja šmat razoŭ zatrymlivali i štrafavali.
Kamientary