Śviet1616

U Šmita jość «tajemnaja dziaŭčyna», jakaja mahła być jaho kantaktam z KDB

Gazeta Wyborcza piša pra dziaŭčynu źbiehłaha sudździ Tomaša Šmita, jakuju toj staranna chavaŭ ad svaich siabroŭ i jakaja mahła zavierbavać jaho na pracu na biełaruskija śpiecsłužby. Ciapier dziaŭčyna źnikła i chutka zamiataje ślady, adznačaje polskaja hazieta.

Tomaš Šmit kala Kałožskaj carkvy ŭ Hrodnie. Fota: Tomasz_Szmydt / Telegram

Pavodle Gazeta Wyborcza i siabroŭ źbiehłaha sudździ Šmita, apytanych partałam Onet, Šmit u apošnija hady žyŭ razam ź dziaŭčynaj, jakuju hazieta nazvała «Jelena K.», a nacyjanalnaść jaje dakładna nieviadomaja.

Alena K. peŭny čas vałodała toj kvateraj, dzie aficyjna byŭ zarehistravany Šmit (ul. Jana Kochanowskiego 6, horad Hrujec kala Varšavy). Susiedzi paćvierdzili haziecie, što žančyna taksama žyła tam, ale sami nie viedajuć pra jaje amal ničoha.

Žurnalisty vyśvietlili, što Alena K. jašče ŭ 2022 hodzie vałodała sałonam pryhažości za 5 chvilin jazdy ad apošniaha miesca faktyčnaha žycharstva Šmita pierad jaho ŭciokami ŭ Biełaruś. Svoj biznes žančyna zakryła ŭ kancy taho ž hoda.

Taksama Alena K. praź niekalki dzion paśla pačatku vajny va Ukrainie (27 lutaha) stvaryła akaŭnt u fejsbuku, jaki byŭ pryśviečany zboru srodkaŭ na patreby sałdat USU i čyj zborny punkt znachodziŭsia ŭ Hrujecy prosta kala zarehistravanaj kvatery Šmita. 

Jak tolki žurnalist Gazeta Wyborcza pasprabavaŭ źviazacca z administrataram fejsbuk-akaŭnta i spytać nakont Aleny, to adrazu byŭ zabłakavany, a praz paru hadzin sajt byŭ vydaleny.

Numary telefonaŭ zbornaha punktu i sałona pryhažości Aleny K. akazalisia niadziejnymi.

«Ja ŭvohule nie viedaŭ imia partniorki Tomaša Šmita, jon nie chacieŭ jaho mnie nazvać. Ale ja čuŭ, jak jon havaryŭ ź joj pa telefonie i nazyvaŭ «Lenka».

My nie vielmi časta sustrakalisia sa Šmitam, niekalki razoŭ sustrakalisia ŭ sudzie pa dyscyplinarnych spravach Tomaša. Kali my byli razam za abiedam, hetaja «Lenka» telefanavała jamu i ja paprasiŭ pakazać mnie jaje fatahrafiju, ale Tomaš admoviŭsia. Jon navat nie skazaŭ, dzie žyvie. Jon kazaŭ tolki, što niedaloka ad Varšavy», — raskazvaje adzin ź siabroŭ Tomaša Šmita ŭ kamientarach dla partała Onet.

Pa słovach siabra Šmita, toj niekalki razoŭ kazaŭ jamu, što źbirajecca z «Lenkaj» da jaje siamji va Ukrainu, što hetaja siamja vielmi krutaja. Taksama jon zajaviŭ, što jany z žančynaj chočuć ažanicca ŭ carkvie pavodle pravasłaŭnaha abradu.

Tomaš usprymaŭ jaje surjozna, jak niejki prajekt na žyćcio, kazaŭ pra jaje «maja žančyna», adznačaje siabar źbiehłaha sudździ.

Jašče adzin blizki tavaryš Šmita ŭ kamientarach dla Onet vykazaŭ zdahadku, što «Lenka» była ahientam biełaruskich śpiecsłužbaŭ i mienavita jana mahła zavierbavać polskaha sudździu na supracu z režymam Łukašenki i Pucina.

«Ja b nie vyklučaŭ, što mienavita hetaja žančyna mahła ŭhavaryć Šmita supracoŭničać ź biełaruskimi śpiecsłužbami. Bo toje, što ciapier adbyvajecca — heta zamiatańnie śladoŭ hetaj žančyny ŭ Polščy i heta, vidavočna, padobna na pracu prafiesijanałaŭ i słužbaŭ», — padkreślivaje tavaryš Šmita.

Jon dadaŭ, što Šmit mieŭ dostup da sakretnaj infarmacyi i z-za sudovaha skandału vakoł byłoj kiroŭnaj partyi PiS, fihurantam jakoha staŭ Šmit, toj moh stać vydatnym kandydatam na viarboŭku rasijskimi i biełaruskimi śpiecsłužbami.

Kamientary16

  • Bobr
    17.05.2024
    Moda taja ž Lenka, što da Cichanoŭskaha biehała?)
  • Pan Bigos
    17.05.2024
    Kakije-to skazki ot haziety "Wyborcza" i izdanija "Onet". A, čto Lenka vładieła kvartiroj i u nieje nie było domovoj knihi (księga wieczysta), znaja nomier kotoroj možno uznať kto tam vładalec čieriez intierniet na śpiecialnom portale ili znaja adries, zaprosiť elektronnuju vypisku (čuť słožnieje i dolšie prociedura, potomu-čto nado podpisyvať zapros svojej cifrovoj podpiśju). Tožie samoje i po jeje biźniesu - sałonu krasoty. Ona čto biźnies nielehalno osuŝiestvlała i nie była zariehistrirovana, a ni kak JDG (ekvivalent IP), a ni kak spółka z o.o. (ekvivalent OOO)? V Polšie mnohije riejestry publičny, t.ie. otkryty i znaja, naprimier, NIP (nałohovoyj nomier) kakoj-to firmy ili IP, možno biez riehistracii posmotrieť bazovyje śviedienija o kompanii ili IP, kto tam učrieditiel ili na koho zariehistrirovan subjekt choziajstvovanija. Vy tam riebiata, naviernoje, čto-to s pierievodom namudrili i nie tak poniali publikacii na polskom.
  • Koźma Prutkov
    17.05.2024
    Vianiet list, prochodit leto, osień zołotitsia
    Sud́ja Šidt iz pistoleta chočiet zastrieliťsia... Mnoho čto-to vnimanija etomu zabułdyhie.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22

Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi

Usie naviny →
Usie naviny

«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie49

Vybuch 4 maja ŭ Maskvie adbyŭsia ŭ kvatery elektryka z pucinskaj rezidencyi na Vałdai5

Suprać 78-hadovaj Niny Bahinskaj zaviali kryminalnuju spravu17

Nad Sikstynskaj kapełaj pastavili komin1

Kadyraŭ rychtuje pieradaču ŭłady6

Prapahanda kpić z kolkaści źniavolenych u Polščy, zabyŭšysia pahladzieć na biełaruskija turmy1

Premjer Słavakii skoknuŭ u Dunaj, kab dakazać, što zdarovy5

«Moj dzied udzielničaŭ u razhonie Usiebiełaruskaha źjezda!» Što rasijanie pišuć pra Biełaruś i biełaruskuju historyju pad videa Tamary Ejdelman16

Aviečkin padaryŭ Łukašenku džersi sa svaim aŭtohrafam13

bolš čytanych navin
bolš łajkanych navin

Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22

Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić