Słavianski NPZ u Krasnadarskim krai prypyniŭ pracu paśla padzieńnia bieśpiłotnikaŭ
Na terytoryi zavoda ŭpała šeść dronaŭ.
Słavianski NPZ u Krasnadarskim krai prypyniŭ pracu paśla padzieńnia bieśpiłotnikaŭ. Pra heta paviedamiŭ dyrektar pa kompleksnaj biaśpiecy hrupy kampanij «Słaviansk EKA» Eduard Trudnieŭ. Pavodle jaho słoŭ, «na hety raz BPŁA było bolš, zarady nieśli našmat bolš, taksama byli načynienyja paražalnymi elemientami ŭ vyhladzie stalovych šarykaŭ», piša «Novaja hazieta. Jeŭropa»
Pa słovach kiraŭnika Słavianskaha rajona Ramana Siniahoŭskaha, na terytoryju NPZ upali 6 dronaŭ. Pry hetym jon śćviardžaŭ, što paciarpiełych i razbureńniaŭ udałosia paźbiehnuć. U pres-słužbie administracyi rajona zajavili, što ŭzharańniaŭ na terytoryi Słavianskaha NPZ taksama niama.
Pry hetym telehram-kanał ASTRA apublikavaŭ mierkavanyja fota i videa ź miesca padzieńnia bieśpiłotnikaŭ. Sudziačy pa kadrach, na terytoryi NPZ adbyŭsia vybuch.
Da hetaha Minabarony RF paviedamiła, što ŭ noč na 19 maja srodki SPA źniščyli 57 bieśpiłotnikaŭ nad Krasnadarskim krajem.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary