Fota: MAK
Prezident NAK Ukrainy Vadzim Hutcajt i v.a. ministra moładzi i sportu Ukrainy Maćviej Bidny abviaścili, što Ukraina jedzie na Alimpijadu-2024. Pra heta jany zajavili padčas niefarmalnaj sustrečy z pradstaŭnikami ŭkrainskich i zamiežnych miedyja, piša ŭkrainskaja «Trybuna».
Na sajcie Minsportu adznačajecca, što «hetyja hulni majuć asablivaje značeńnie dla Ukrainy, bo heta mahčymaść pakazać śvietu našu volu i siłu duchu. Łozunh Ukrainy na Alimpijskich hulniach: The Will to Win».
«Našy spartsmieny — heta hieroi, jakija trenirujucca va ŭmovach akupacyi, pad abstrełami, časta hublajučy blizkich. Ich mužnaść i vola da pieramohi zasłuhoŭvajuć najbolšaj pavahi i padtrymki», — skazali na sustrečy.
Alimpijada projdzie ŭ Paryžy z 26 lipienia pa 11 žniŭnia. Va Ukrainy budzie svoj alimpijski dom. Zaraz na rachunku Ukrainy 99 licenzij.
Čytajcie taksama:
NAK nie budzie zabaraniać biełaruskim spartsmienam udzielničać u Alimpijadzie-2024
Łukašenka pra ŭdzieł biełaruskich spartoŭcaŭ u Alimpijadzie: Nabicie im mordu
