NAK nie budzie zabaraniać biełaruskim spartsmienam udzielničać u Alimpijadzie-2024
Pra heta zajaviŭ Viktar Łukašenka.
Kiraŭnik NAK Biełarusii Viktar Łukašenka nie bačyć pieraškod dla ŭdziełu biełaruskich spartoŭcaŭ u Alimpijadzie-2024 u Paryžy ŭ niejtralnym statusie.
Pa słovach Viktara Łukašenki, hetaje pytańnie addadziena na vodkup samim atletam, jakija adabralisia na hulni, paviedamlaje Sputnik.
«Na hety momant my nie bačym vialikich pieraškod dla ŭdziełu našych spartsmienaŭ u Alimpijadzie. My addajem heta na vodkup spartsmienam, kali jany vyrašyli, bačać, što hatovyja, i chočuć vystupać», — adznačyŭ kiraŭnik NAK.
Pry hetym Viktar Łukašenka adznačyŭ, što ŭsie spartoŭcy viedajuć, što jany biełarusy, što vystupajuć za Biełaruś, i «ŭ dušy buduć śpiavać himn».
Biełaruskija spartoŭcy na dadzieny momant zavajavali 28 alimpijskich licenzij. Pa słovach Viktara Łukašenki, jany ŭsie vystupajuć na hodnym uzroŭni, i ŭ ich jość šancy na alimpijskija miedali. Akramia taho, kiraŭnik NAK spadziajecca, što licenzij stanie bolš. Łukašenka adznačyŭ, što hladzić na hulni z aptymizmam, a pierad atletami stavicca zadača pieramahčy.
Biełaruskija spartoŭcy zmohuć vystupić na Alimpijadzie tolki ŭ niejtralnym statusie, bieź dziaržaŭnaj simvoliki. Da hulniaŭ nie dapuściać atletaŭ, jakija padtrymlivali vajnu va Ukrainie, a taksama tych, chto źviazany z vojskam abo siłavymi strukturami.
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary