Adkryvajecie kran z haračaj vadoj, kali jana adklučanaja? Voś čamu nie varta tak rabić
Heta moža ŭlacieć u kapieječku.
Adkryvać kran z haračaj vadoj u pieryjad jaje adklučeńnia nie varta — heta moža pryvieści da lišnich vydatkaŭ.
Jak raskazali ŭ staličnym ŽKH, na čas prafiłaktyčnych adklučeńniaŭ u žyły dom nie pastupaje sietkavaja vada, jakaja padahravaje chałodnuju da nieabchodnaj tempieratury. Pry hetym ustalavany na stajaku ličylnik hetaha «nie viedaje» i fiksuje chałodnuju vadu, jakaja prachodzić pa trubie, jak haračuju.
Žychary mohuć mašynalna adkryvać kran z haračaj vadoj i karystacca niaisnaj pasłuhaj, za jakuju daviadziecca zapłacić.
U kancy miesiaca spažyviec zdymaje pakazańni ličylnikaŭ i ŭvodzić danyja ŭ JERIP pry apłacie kamunałki. I na ŭsiu vadu, jakuju zafiksavaŭ ličylnik haračaj vady, raźmiarkoŭvajecca spažytaja za miesiac kolkaść ciepłavoj enierhii, zafiksavanaja pryboram uliku ciapła abo raźličanaja pavodle narmatyvaŭ na padahreŭ.
Tamu śpiecyjalisty ŽKH zaklikajuć zakryvać stajak z haračaj vadoj u pieryjady adklučeńnia — kab nie płacić za pavietra.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ2
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary