Адкрываеце кран з гарачай вадой, калі яна адключаная? Вось чаму не варта так рабіць
Гэта можа ўляцець у капеечку.
Адкрываць кран з гарачай вадой у перыяд яе адключэння не варта — гэта можа прывесці да лішніх выдаткаў.
Як расказалі ў сталічным ЖКГ, на час прафілактычных адключэнняў у жылы дом не паступае сеткавая вада, якая падагравае халодную да неабходнай тэмпературы. Пры гэтым усталяваны на стаяку лічыльнік гэтага «не ведае» і фіксуе халодную ваду, якая праходзіць па трубе, як гарачую.
Жыхары могуць машынальна адкрываць кран з гарачай вадой і карыстацца няіснай паслугай, за якую давядзецца заплаціць.
У канцы месяца спажывец здымае паказанні лічыльнікаў і ўводзіць даныя ў ЕРІП пры аплаце камуналкі. І на ўсю ваду, якую зафіксаваў лічыльнік гарачай вады, размяркоўваецца спажытая за месяц колькасць цеплавой энергіі, зафіксаваная прыборам уліку цяпла або разлічаная паводле нарматываў на падагрэў.
Таму спецыялісты ЖКГ заклікаюць закрываць стаяк з гарачай вадой у перыяды адключэння — каб не плаціць за паветра.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары