Fota: Bajpoł
Na pasiedžańni kamisii pa vybarach u Kaardynacyjnuju radu pryniata rašeńnie źniać z honki śpis «Zakon i pravaparadak» na čale z Alaksandram Azaravym.
Učora jamu było prapanavana samastojna pakinuć śpis. Azaraŭ admoviŭsia, tamu bolšaściu hałasoŭ kamisija dyskvalifikavała i Azarava, i jaho paplečnikaŭ.
Prablema vyjaviłasia ŭ pracedury — jak akazałasia, u vybarčaj kamisii jość prava ci admianiać rehistracyju vybarčaha śpisu całkam, ale niama prava vyklučać kankretnaha kandydata.
Z padobnaj prablemaj sutyknuŭsia śpis «Naša sprava» na čale z Rozaj Turarbiekavaj. Pakolki dźvie jaje paplečnicy źniali svaje kandydatury, śpis pierastaŭ adpaviadać patrabavańniam hiendarnych kvotaŭ. Tamu dva siabry «Našaj spravy» — Viktar Saskievič i Andrej Žukaviec — napisali zajavy ab samaadvodzie. Adčapiŭšy ich, śpis Rozy Turarbiekavaj trapić u vybarčyja biuleteni.
Takim čynam u vybarach u Kaardynacyjnuju radu voźmuć udzieł 11 śpisaŭ. Sami vybary projduć 25-27 maja na elektronnaj płatformie.
Čytajcie taksama:
Azaraŭ admoviŭsia zdymacca z vybarčaj honki ŭ Kaardynacyjnuju radu
Azarava prymušajuć źniacca z vybaraŭ u Kaardynacyjnuju radu
Uviečary ŭ kvaterach kandydataŭ u KR ad błoku Łatuški i Ruchu «Za svabodu» prajšli pieratrusy
