Tolki ŭ łakamatyŭnym depo «Minsk» 21 maja schapili šeść mašynistaŭ i pamočnikaŭ mašynista.
Avaryja 10 maja na stancyi «Minsk-Sartavalny», za pierasyłku fota jakoj zatrymlivajuć čyhunačnikaŭ. Fota: Belzhd.link
Kiraŭnictva depo śćviardžaje, što pryčynaj zatrymańniaŭ była pierasyłka ŭ miesiendžarach i pracoŭnych čatach fota avaryi 10 maja, kali manieŭrany łakamatyŭ syšoŭ z rejek kala stancyi «Minsk-Sartavalny». Pavodle supolnaści čyhunačnikaŭ, avaryju sprabavali ŭtaić.
Ź liku šaści zatrymanych, pra jakich viadoma supolnaści čyhunačnikaŭ, troch vyzvalili praz try dni, try zastajucca zatrymanymi. Prynamsi dvum inkryminujuć «spryjańnie ekstremizmu» — imavierna, havorka pra artykuł 361-4 Kryminalnaha kodeksu, pavodle jakoha mohuć pakarać pazbaŭleńniem voli na terminy da 7 hadoŭ.
Abvinavačanych zvolnili, taksama «prapanavali» zvolnicca načalniku adnoj sa stancyj łakamatyŭnaha depo — usio za tuju ž pierasyłku zdymkaŭ supracoŭnikami.
Supolnaść čyhunačnikaŭ adznačaje, što zatrymańni i zvalnieńni adbyvajucca na tle vostraha niedachopu kadraŭ na čyhuncy. I navat va ŭmovach źnižeńnia abjomu hruzapieravozak zvalnieńnie šaści supracoŭnikaŭ budzie adčuvalnym dla łakamatyŭnaha depo.
