Staronka sajta Dziaržaŭnaha katałoha Muziejnaha fondu Respubliki Biełaruś u toj čas, jak jon byŭ pad kantrolem kamandy Łatuški
Łatuška taksama paviedamiŭ, što Dziaržaŭny katałoh Muziejnaha fondu Respubliki Biełaruś pieradadzieny na zachavańnie Muzieju Volnaj Biełarusi ŭ Varšavie. U vyniku hetaha
«ŭsie hramadzianie Biełarusi zmohuć atrymać dostup da źviestak ab muziejnych pradmietach, jakija znachodziacca ŭ muziejach i kalekcyjach Respubliki Biełaruś».
Pa prapanovie Paŭła Łatuški i supracoŭnikaŭ Muzieja Volnaj Biełarusi ŭ Dziaržaŭny katałoh 26 traŭnia 2024 hoda ŭnieśli pradmiety, jakija źjaŭlajucca histaryčnaj i kulturnaj kaštoŭnaściu biełaruskaha naroda i zachoŭvajucca ŭ Muziei Volnaj Biełarusi. Heta bieł-čyrvona-bieły ściah ź imionami palitźniavolenych biełarusaŭ aŭtarstva Maryi Hryc, sukienka «BČB-niaviesty» Iny Zajcavaj, vopratka zahinułaha dobraachvotnika Pałka Kalinoŭskaha Vasila (Atama) Hrudavika i inšyja artefakty.
Niejki čas sajt Dziaržaŭnaha katałoha Muziejnaha fondu Respubliki Biełaruś byŭ jaŭna ŭzłamany i ŭtrymlivaŭ paviedamleńni ad kamandy Łatuški. Ciapier jon pryviedzieny da pieršapačatkovaha stanu.
Čytajcie taksama:
Uviečary ŭ kvaterach kandydataŭ u KR ad błoku Łatuški i Ruchu «Za svabodu» prajšli pieratrusy
Śpis Łatuški nabiare na vybarach u Kaardynacyjnuju radu amal 50% hałasoŭ — apytańnie
Łatuška raskazaŭ, jak zabaraniaŭ repieru Siarohu vystupać, kali byŭ ministram kultury
Vybarčy śpis Łatuški ŭ KR abvieścili «ekstremisckim farmavańniem»
