За два дні выбараў у Каардынацыйную раду прагаласавала 4640 чалавек
Панядзелак 27 мая — апошні дзень, калі яшчэ можна аддаць голас за адзін з 11 спісаў кандыдатаў.
![](http://nashaniva.com/img/w840d4webp1/photos/z_2024_05/maxresdefault-9s9h5.jpg.webp)
У першы дзень выбараў прагаласавалі 2463 чалавекі, да канца другога дня іх колькасць узрасла да 4640. Такім чынам, у нядзелю актыўнасць выбаршчыкаў была амаль на 300 чалавек меншай — 2177 чалавек.
Выбары праводзяцца ў цяжкіх умовах, калі кандыдаты і выбаршчыкі падвяргаюцца пераследу з боку рэжыму Лукашэнкі, які прызнае і Каардынацыйную раду, і выбарныя спісы «экстрэмісцкімі фарміраваннямі», за спрыянне дзейнасці якім можа пагражаць рэальны турэмны тэрмін.
![](http://nashaniva.com/img/w732d4webp1/photos/z_2024_05/2024-05-26235952-y434z.png.webp)
Каб перашкодзіць правядзенню выбараў, ад самага іх пачатку на сайт для галасавання была арганізавана маштабная DDoS-атака. Таксама першы дзень выбараў адзначыўся перабоямі з інтэрнэтам у Беларусі і блакаваннем VPN, без якога галасаванне можа быць небяспечным для тых, хто застаецца ўнутры краіны.
«Наша Нiва» — бастыён беларушчыны
ПАДТРЫМАЦЬ
Каментары